شعلت روحي شمع وبظلمة تالي الليل
واطفي شموعي كلهة وبس اضويك
خليتك دمع وبساعة الضيـــــج
ابجي دموعي كله وما ابجيــــك
اعطش من اشوفك وابتسم حيل
واظل عطشان مني واني ارويك
ما ارضة بزعل وماازعل وياك
وازعل الدنية كلهة وبس اراضيك
الشارع مو امان والناس كلهةحلوك
وادز روحي وي كلبي وعيني تحميك
من طبعي شرس وتخاف مني الناس
بس منك اخافن من الاكيـــــــك
جروحيالمشاركة الأصلية كتبت بواسطة علي الموسوي الموسوي
تَغفه بـ مستحاها
ومن اذكرك تعرگ ظنوني سوالف
وانتَ
يا نافورة الليّل الـ تگطر شَذر وردي
انطيني بس شباچ روحك خَل ألزمه وما أريد
علي حسن الشمري
انه شكَد احبك مادريت بهاي
يمكن لان حبك عندي ما ينقاس
رخصت لغلاتك روحي فدوه الروح
و اذا تقبل تدوس كَليبي خل ينداس
يا كلمة أحبك بيهه شهكَة موت
موت يخلي كَلبي يعيش بي الاحساس
تدري انه بغيابك ما احس بالروح
و اضيّع نبضي مني و تختنكَـ الانفاس
و من تمر ضحكتك لحظه ويه الطيف
خدي بدمع عيني من الحزن ينباس
انه العمري فات و ما حسبته سنين
حسبته جروح من رجليه حد الراس
ادري انت جرح بس ما خفت حبيت
و ما همني عليه تلوم هاي الناس
و لا همني حنيني ينسي عيني النوم
و اذا سهرن عيوني؟ غير الك حراس
انه شكَد احبك صدكَـ احتاريت
لأن كل هذا حبي و انت بي ما حاس
شحچي عنك
سالفه
وكون السوالف يوسعنَّك
غاد منك
هيچ كون الروح تسكن غاد منك
تغفى بأحضان الكلام
اليطره عنك
ليث النعيمي
بكل صراحه تريد اجاوب عل سؤال
راح اجاوب راح اخيب اظنونك
اتكلي اغله اعيون عندك يا عيون
وانته كل ظنك اكول اعيونك
اعيوني اغله اعيون يا أجمل حبيب
شو زعلت وشو تغير لونك
وشو درت وجهك حبيبي وشو بجيت
ادري اغيضك من اصر اعله الجواب
وادري عذالك تره ايلومونك.
وادري عذالك يكلولك يخون
ويكدر ايعيش العمر من دونك
وادري وادري وهاك اخذ مني الجواب
وكوم سكتهم اذا يسألونك
انه احب اعيوني مولن بيهه اشوف
وداعتك لأن بيهه اشوف اعيونك
دلـيني على عيونـك
اسافرلك كحـل ملـهوف
ريل بسچة چفونـك
اجيـك وصوغـة اليشتـاگ
دمـعه وكلـمة شلونـك
مظهر الزيدي
كالولي تحب كلت اليحب مو عـــــــــيب
الما يــــوفي بمحبــته تكثر اعيـوبــــــــه
وادري باليحب يتحمل اللـــــــــــــــوعات
ومن دمعه اليـــــــهله ايـصير مشـــــروبه
كالوا ياطبع مرغوب للعشـــــــــــــــــــــ اك
كلت طبع الحــــــــــبيب يصون محــبوبه
كالوا وصف محبوبــــك بأيجـــــــــــــــــاز
وكللّنه الصفـــــــــــــات البي مـــرغوبـه
كتلهم صعب وصف الحبيــــــــــب بساع
لان قلعة حبيبـي ومن ذهــــــــب بوبـــه
يشع نوره بكماله وبالحســــــــــن ايات
ومن اسمه تحس بي اجــــمل اعذوبـــه
يسري اويه الدم حبه ويغــــذي الـروح
وعالفطره محبتـــي بلوح مــــــــــــكتوبه
صوتك متانيني وين
شلون ألوحه
بيا محطة شوگ أطيح
هذا چم موسم تٓعده
وما گِلتلك انه احبّك
چي شحيح
آخ مني
شگد احبّك چي شحيح
ايما صباح
مو كتلي احبك ليش هيج وياي
بادلني بمحبتك لاتضل سكته
عمري الفات كلّه وكل طيور الشوك
لجلك ياعزيز الروح مو عفته
اني ادري الكمر من شاف وجهك شاع
منّك خجل منّك وانت صّفنته
واني ادري العكل مادوّخته الناس
بس انت بمحبتك حيل دّوخته
من ساماك غيري ابين كل الناس
كلت انه اشتريك وعمري رخّصته
لا هوه فرح
لاهو دموع
لاهو اعتاب
ولك علمني اغانيك
حتى لو چانت اغانيك عذاب
ماني اكيف ع الجرح من چف الاحباب
ولا يبقه العشگ بسكوت
لا شباچ الة ولا باب
كاظم الركابي
