♥
مرايتي تسولفلي عنك
والشوارع تدري من غنيتلك
الحچي أبيناتنه اشتاگيتلك
♥
احمد المرشدي
♥
مرايتي تسولفلي عنك
والشوارع تدري من غنيتلك
الحچي أبيناتنه اشتاگيتلك
♥
احمد المرشدي
♥
لهسه
وماعشكت أعليك
وآنته الطوك
والمحبس
ياطير الماي يانورس
أغنيلك ... أغنيلك
شغنيلك
أغني شلون وآنه أخرس
♥
محسن الخياط
♥
دمعي مثل آعنادهم
ما سوّه شي
يمكن بغيري آلتهوا
♥
عبد الكريم القصاب
♥
حلاة الموت وانت وياي
مايدري الندى من يموت
ماطوله بحظن ورده
♥
ميثم فالح
خاف حسبالك اجيت اعتب عليك...
اني صار سنين عفت اعتابي...
ادري.. تغدر.. ادري تتركني وتروح...
وذني كلهن خالهن بحسابي...
اني صاحبت المشاكل من وراك..
وانت.. مدري شصاحبت بغيابي ...
رووح.. باجر مو بعيد.. الله كريم..
والله باجر ترجع.. ادكَ بابي..
المشاركة الأصلية كتبت بواسطة علي الموسوي الموسوي
انه وگلبي تفارگنه
وصحت
ردلي ولك يسمر
ولك يفلان
ولك مابيه من دونك
ولك هالناس تلچمني
هضموني بكثر ما باچي بعيونك
لا رديت
لاچذبه وتلاگيني
بعدك وين
وين الگه بشر متعوب
اغمض واحچي البگلبي
ويداويني
♥
ذو الفقار الزلزلي
سيدي العزيز وجودك يسعدني كثيراً
وردات الروحك
مو گتلي أجيبلـك ضوه ..؟؟
أمـنت زاعلت الشمس
تالي تجيني بضحكتك ..
و بطرگ شمعة و طافية
كاسرت گلبي المحترگ
ويـه البرودة بضحكتك ..
كل دمعة نزلت دافية
جدام السوالف بالگلب
شديتهن عن لا بعد ..
يمشن درب بي سيرتك
لكن يغافلني الحچي ..
و چلماتي تركض حافية.!
♥
وانت ادره
يطيح الفي حمل شجره
دطيح من الحلم مره
وامطر وجهك اعله الماي
من ينشف نده الگمره
گمرنا شما ضوه اعله الناس
بغير الظلمه مايقره
♥
زينب الاسدي
تعال انصفي البينك وبيني
وبعد ارجوك لتحاول تجيني
اذا مرك دمع وابجيت فد يوم
ادموعك ردت بيهن تشتريني
جنت قاسي بمحبتك حيل وياي
وعلى اصغر مواقف تبجيني
تعال وكل طرف يحجي اليريدة
ونمحي اثار حبنة ومانعيدة
وما اندم على ماكان رايح
انا اخسرتك صدك بس اني رابح
واذا متباهي انك عني صديت
صدك باجر مدنــك تجيني
توالي الليل
ينباگ العمر مني بتوالي الليل
افز مرعوب
احن الكم
واعاين وجهي بمراية حچيكم ذاك
وازغر حيل
ازغر حيـل
ازغر حيـل
اغمض وافتح عيوني على المامش
يرد اردود ينباگ العمر مني بتوالي الليل
محمد لفته العماري
