كالت
دوي واستوى المايستوي
من تخزرك عين جنهة اتكول خنجر ملتوي
والطول طول الخيزرانة شو جنهة حية
ولو مشت تطوي طوي
والخدود اتكول جوري
وانة عند روحي قوي
من شفتهة تخربطت وتبيدت
صرت انة والماكو سوي (كلمتها مثل الناس بالهولندي)
اشتبي فميشة الميشوي(من فضلج ايتها الصبية)
سكتت وما جاوبتني
دك عليها التلفون الخلوي
عباس جيجان
آنا من كلشي أغارالمشاركة الأصلية كتبت بواسطة علي الموسوي الموسوي
من براءة خيط ثوبچ
من أصابيعچ على آزلوفچ أغار
من التراچي والمحابس والسوار
من اِطار آمرايتچ
شبكَه آعلى وجهچ
آنا آغار
من بسِمْتچ
راويه آبدم آالشفايف
من صفنتچ على روحچ
من دمعتچ على الوجنه
آتطيح بوسه
ومنها آغار
♥
عبد الكريم القصاب
أقفل باب كلبك واكسرلمفتاح
وخليـــلك درع خاف أحد يكســـره
اليكلك أحبـــــك فتشه كلش زيـــن
بس يدخل لكلـــبك صـــدك يفجـــره
واحجيلك نصيحة كلـــب حـــب و ذاب
ســـرك ﻻ تكشفه وبـــالك تنشـــره ..
ﻻن كـــل البشر قاصات بالأســـــرار
لو تبقـــى عمـــر ما تفتـــح الشفــره
و سديت الگلب
واشمرت مفتاحه
اعله سابع بيت
♥
❇
♥
عريان السيد خلف
انـــــواع البشر مخلوقــــه بالــــقدره
تصادف ذهب صافي ويصدف المغشوش
بقت عيــــنك دليلك هــــي التقـــــدره
واذا صـــافي لگيــت بــأي ثمن أشريـــه
ﻻن كلـــــش ثمين وبــــالك تخــــســـره
تالي ادركت
طين الگلوب اصناف
والعشره الطويله تريد نوعيه
ايهاب المالكي
كل الناس تدري بيوم حبيتك
بس تبقى لغز ما تنكشف للغير
يروحي بروح الروح ضميتك
ضميتك و اغار من الهوى يحاخيك
و من كد ما غرت ما يوم حاجيتك
اختلي بحسنك وافچ گلبي واطلعك
تلعب بگلبي واخاف الغير يندلك واضمك
عريان السيد خلف
رايد كلمه منك مو كلام هواي
و اذا انت تريد الروح لبيتك
بس كلمة احبك كافي عاد ارجوك
حت لو بالچذب بس كول حبيتك
الدنيا مو دنية عشگ يبن الحلال
لاتخلينه بمحبتك ننجبر
جبار رشيد
