المشاركة الأصلية كتبت بواسطة علي الموسوي الموسوي
گتلي من تزغر الدنيه
الشوگ يڪبر
والسـﭼﭻ تتلاگه لهفه
وگتلي من تبرد الوادم
نحتفل گيض ودفو
ونعبر عله النسيان صدفه
وسام سباهي
گتلي من تزغر الدنيه
الشوگ يڪبر
والسـﭼﭻ تتلاگه لهفه
وگتلي من تبرد الوادم
نحتفل گيض ودفو
ونعبر عله النسيان صدفه
وسام سباهي
♥
چنت اتانيك بمحطات العشگ؟
ليهَ مَ انزلت ؟؟
والروح مرهونه كَلبدونه بعباتك
سولفن عنك اميرات الفخاتي
كَالن النكَار بالزعرور ..
ما يوصل حلاتك
يَ الطبع روحك .. طبع عكَدة بريسم
يا بعد روحي شحلاتك
مظفري
اضحك للبچوا حد شرهة المنگود
وابچي بكل مزنتي بطور المغني
يلتمن عليه مشتتات البال
وانفضهن نفض وانهض ولاچني
عريان السيد خلف
❇❇
اشـوفنك
وطــن
وبيــوت
كـل هـذا وغــريب انـت
♥
زامل الخفاجي
و رديت من درب العشك مكسور خاطر سحكو سنين المودة ومشو كليبي الوفي بسجة خناجر كون اشك صدري واشوفك جا كلت عفية يكلبي شلون صابر .
كون اشگ صدري
واگل للناس هاكم
يوجع الماينكتب
احمد المرشدي
اغار عليك من كلبي والعيون لذلك اني حاير وين اشيلك.
وحقي من ما اجيلك اني معذور اخاف عليك مني وما اجيلك.
دخيلك ربي من الموت ما اصيح من زعلك صحت ربي دخيلك.
تتكلب علي بس ما ابدلك ابدلك بيش بس انت بديلك.
تتباهة بجمالك انت معذور على الاجيال بيك اتباهة جيلك.
عليل بحبك انه وحيل مرتاح لا كامو يسموني عليلك.
واذا مرات افكر اشتكي عليك اجيك اركاض من عندي اشتكيلك.
مو احلاهم انت بس دخت بيك همة الاحلى بس محد حلالي.
وحب من طرف واحد حبي وياك واكول للناس بس حبك مثالي.
ولحد الان بس انت اقتنع بيك ولحد الان بس انت على بالي.
اذا يحجون ما اسمع شيحجون واذا تسكت اسمعنك يا غالي.
شرجي وتخنك الرية واشم بيك واكول للرية يا معودة شمالي.
واذا تاكل بكلبي وما اخليك احس مقصر ومدري شجرالي.
عليك ابجي وعلي تضحك وازكيك واكول شكد حنين شكد بجالي.
اكلك غالي واتغلس واحاجيك تلبسني واكلهم كلي غالي.
احبك غير احبك غير اداريك غير انت الذي اتبهذلي حالي.
و رديت مٌغرم وفتحت بوب
العشگ بثــنين اديه
♥
لاچني من حبكم تبــت توبــة
وداع وهاي هية
كاظم الرويعي
اغمض عيني امغمضة وتصد ليك افك عيني على غيرك انت الكاك.
هلة ابجيتك اصيح وانت ما جاي وقشمرني واكوم اتشابك وياك.
بدونك عندي حتة العيد مو عيد وبعاشور جنة العيد ملكاك.
تسواني وتسوة الراح والجاي وتسوة الكلشي انت وحتة تسواك.
ويا ماكو غيرك جرح
خاطر ألم خوفي
♥
بساعتها من غمضت
ضميتلك شوفي
♥
خايف يطيح النظر
وانت بحضن عيني
♥
ما ادري بيَّ شكو
بس انت تدريني
♥
احمد العبيدي
