أحبكم
يانبض العِشِگْ يَلِّي سِبَيْت الروحْ
يَلْ إِسْمَكْ زرعته بقلبي وسگَيتَه
خضَّرگلبي مِنْ لِسْمَكْ نِمَتْ بَذْرَاتْ
لِگَيْت ورود حُبَّك زَيِّنَتْ بَيْتَه
على جبيني كِتَبْت أهوَاك رَغم اعداي
ومِنْ هَيهَات طَفَّك گلْبيَ رويْتَه
ولَمَنْ مَرْكَبْ عِشِگنَه تِبْتِليه أموَاج
بمِينَائَك يبو السجَّاد أرسيته
ولو عَضْني الزِمَان وسَمْ نِفَثْ بِدْمَاي
بِدْمُوم الطفوف لدمِّي صَفَّيته
تَعَال وشوفْ يَحْبَيْب الگَلُبْ والروحْ
إبَائي بطينْ طَفَّك آنه حَنَّيته
لهذا اليوم تِلْگَاني يَبو السجَّاد
راْسي اعله الظلمْكُمْ عالي عَلَّيته
مَادَنَّگته راسي للْسِبُوكُمْ دومْ
ولا لِلْبَاگكُمْ فَدْ يوم دَنَّيته
أحبكم والله احبكم والمُحِبْ طَمَّاع
چَفْ روحي لكرَمْكُمْ آنه مَدَّيته
وادري بيك مَتْرد خَادمَك مولاي
إذا العاداك مايوم انته رَدَّيته!!!
أبو هيثم
رد مع اقتباس
المشاركة الأصلية كتبت بواسطة علي الشمري♪
