هنا

[Hani Yaqoub]

صعدت ويه سايق التكسي اجرته للكليه لان تعاجزت امشي
فمن وصلنا للكليه الاستعلامات الي واقفين باب الكليه وقف السياره وقال وين رايح كتله للهندسه كلي شسوي يعني ماعرف شنو يتصور جاي اسوي كتله طلاب
فمن مشينا قال السايق هذا صدك ما يستحي لو يستحي ما تصرف بهذا التصرف يعني الطلاب شنو جاي يسوي للكليه السايق ما كان يعلم ان هناك زحف متقن لبس زي وكذا العيش بدور الطلاب للتقرب للفريسه
قلت اله اي والله دائما عدهم هيج تصرفات تعبانه بالخصوص اذا كان في السياره بنات يبدي التضبيط بشكل مو طبيعي
لله در السايق عجبتني طيبة قلبه

[dr.Nafes]

صعدت ويه سايق التكسي اجرته للكليه لان تعاجزت امشي
فمن وصلنا للكليه الاستعلامات الي واقفين باب الكليه وقف السياره وقال وين رايح كتله للهندسه كلي شسوي يعني ماعرف شنو يتصور جاي اسوي كتله طلاب
فمن مشينا قال السايق هذا صدك ما يستحي لو يستحي ما تصرف بهذا التصرف يعني الطلاب شنو جاي يسوي للكليه السايق ما كان يعلم ان هناك زحف متقن لبس زي وكذا العيش بدور الطلاب للتقرب للفريسه
قلت اله اي والله دائما عدهم هيج تصرفات تعبانه بالخصوص اذا كان في السياره بنات يبدي التضبيط بشكل مو طبيعي
لله در السايق عجبتني طيبة قلبه

صدگ طيبة الگلب ..

[النهر الصغير]

طيب ماكو بنات يزحفن؟تحياتي لسائق تأكسي

[Hani Yaqoub]

طيب ماكو بنات يزحفن؟تحياتي لسائق تأكسي

اكو كل شي

[Faris Lafta]

خوش قصص والعراق بي هواي قصص
الله يساعدك على سواق التكسي
تحياتي

[Hani Yaqoub]

صعدت ويه سايق تكسي قبل شوي
هو .............
انا ..........

[Hani Yaqoub]

خوش قصص والعراق بي هواي قصص
الله يساعدك على سواق التكسي
تحياتي

حياك الله تسلم
شاركنا

[Hani Yaqoub]

اليوم صعدت ويه سايق تكسي
انا هاي شنو الفاونس اول مره اشوفه هيج
هو لا هاي فيكه بس لان سيارتي بيضه فما ياجروني
انا شعجب ما اشتريت صفره وارتاحيت
هو اي والله بس غرامه ياخذون ضريبه 25 بالميه بالسنه
انا هاي اله تبيع كريستال احسن اخذت بيضه
هو والله كلت لصاحبي خل ابيع كريستال عندي صديقي يبيع كريستال
انا منصدم اي بس ينكضون هل الكريستال
هو لا انا سايق تكسي والي يصعد وياي ابيعله فما انكض انا اعرف الي يشرف من الي ما يشرب والعراقين كله تشرب عرك
انا انا ما اشرب
هو شنو
انا ما اشرب اصلا تدخين ما ادخن
هو معقوله ما تشرب (يحجيه بكل جديه )
انا اي يمعود رياضه وكذا (بدون كذا بس حجي طويل
هو شوف انا جنت ما اشرب حتى جكاره(يعني الاخ خبير شرب) بس شسوي حبيت وتاذيت
انا اوف من الحب ليش شصار
هو جنت بس افكر بيه العب طوبه افكر بيه اتمرن افكر بيه امشي افكر بيه وردت ازوجه وخالتي امه ما قبلت ما رضت تنطيه الي اولاده بناته رجله كلهم يحبوني اله امه ما تشتهي تشوفني ولا قبلت تنطيه
انا اي وشسويت زين هي ليش ما حاولت علمودك
هو والله حاولت وكتلته وبطلته من المدرسه وما خلته اداوم وكسرة شريحته ونقطعت كم شهر ماعرف اخباره حد ما سمعت هي تزوجت
انا هي صار جكد مزوجه
هو عده اطفال هسه
انا وما نسيته بعدك
هو لا ما نسيته بس حبيت وحده تشبه
انا عود لا تضيعه من ايدك

[Hani Yaqoub]

اليوم صعدت ويه سايق تكسي وصلني للكليه
الرجال كان لابس دشاشه وشواربه ثخينه وشوي سمين
بعد التي والتيا وتشجيعني على البقاء اعزب
قال انا مزوج اثنين وعايشات ابيت واحد وحسب ما فهمت ان الامور ماشيه تمام والفضل للمره الاولانيه كدرت تكسب الثانيه
بعد قال كلمه اثرت بيه والي خلتني اذكره
قال المره الزوجه لا تصيح اله باسمه ولا ام فلان كتله شكول اله
قال قول اله كله بنيتي صغيرتي روحي حسسه بالاهميه وديربالك تخليه تصفن بس تشوفه صافنه اساله
استفسر منه
قال هذا اسلوب التعامل خلاها مستحيل تقبل اتبات ابيت اهله ماتكدر بدونه يوم تتمرض اذا سافرت
وذكر قصه عن مدى حبه شلون وقفت قبال سلاح من رادو يقتلو بسبب مشكله
السائق اذهلني لحد الصدمه للاسف وصلنا بساع للكليه وله حيل جنت مستمع بكلامه

[Hani Yaqoub]

نقل الموضوع الى
لحظه افكر