قبل شوي صعدت ويه سايق تكسي
فدار ( داران دور الله على ذيج الايام ) الحديث عن السكن والقطع واسعارهن
فقال المنطقه الي ساكن بيه احسن من المنطقه السابقه لان السابقه مساحة البيت ٩٠ متر ادگ ( تطرق ) چاكوچ ( مطرقه بالفصحى hammer in English ) جارك يصيح
هسه الحمذلله البيت وسيع الجار بعيد تكتل مرتك براحتك محد يسمع او يدخل
حقيقه انا استغربت شنو يكتل مرته
يعني لو يريد كان ضرب غير مثال مِو كتل المره معناها متعود الاخ
شيء مؤسف بالله وتالله
صاعد ويه ابو كيه رايح للكليه
چا غير صار مرزوق واحد صاعد واحد نازل
ادري كاتب يا رزاق وطالع
ليكون مشتري خرزة رزق من واحد محتاج
هسه اريد اوصل ماكو
خطيهالمشاركة الأصلية كتبت بواسطة Hani Al-Mayahi
هذا الي يضرب مرته شيحس ؟ .. فعلاً يعاني من نقص رجولة
يريد يكتل مرته براحته الـمتخلف المقرف .
تلگاه شايل خرزة بالسيارة
وطبعاً هاي الخرزة تلگاه جايبها من نفس الحجي الي تورطت وسألته عن الخرزة هههه
....
أستمر هاني
خطيه
هذا الي يضرب مرته شيحس ؟ .. فعلاً يعاني من نقص رجولة
يريد يكتل مرته براحته الـمتخلف المقرف .
تلگاه شايل خرزة بالسيارة
وطبعاً هاي الخرزة تلگاه جايبها من نفس الحجي الي تورطت وسألته عن الخرزة هههه
....
أستمر هاني
هههههه جا الحجي طلع خوش حجي اذا هيج احتمال ارجع الهخطيه
هذا الي يضرب مرته شيحس ؟ .. فعلاً يعاني من نقص رجولة
يريد يكتل مرته براحته الـمتخلف المقرف .
تلگاه شايل خرزة بالسيارة
وطبعاً هاي الخرزة تلگاه جايبها من نفس الحجي الي تورطت وسألته عن الخرزة هههه
....
أستمر هاني
اريد خرزه ترخيص اسعار لان اسعار الكليه غاليه
منوره الحلوه
صعدت ويه سايق تكسي للبيتنا
انا وقته عقلي في عالم ثاني عالم جميل عالم وردي
اقصد افكر بالميكانيك الهندسي مِو الزواج في حال ما راح بالك بعيد
والسايق فاتح موضوع عن النجاسات القلبيه والنجاسات الظاهرية
حسب ما قال او ما التقطه سمعي بسبب المطبات التفكيريه الي تفصل عقلي من الاسترسال بالتفكير
يقول والعهد عل القائل
الناس بسبب النجاسات الظاهريه الي عايشين بيه مثل رميهم للزباله بكل مكان والوساخه وغيرها من هل نجاسات تنجس قلبهم بسبب هل الاعمال
وبالتالي صارت النجاسات شيء مألوف( مِو ماي لف) عدهم وبالتالي ازدادت أعمالهم النجسه فهم عايشين بنجاسه
الانسان لازم يطهر قلبه فالقلب حرم الله مثل ما يقول الحديث حتى تطهر أعمالهم
سايقنا هنا نزلني وصلت
رساله الى سايق التكسي
حبيبي قلبي روحي سايق التكسي
انت جاي تشوفني نازل من السياره ادكلي هورن ليش
معقوله مفكرني عجوزي لدرجة اجر سياره من شارع للبيت
طيب ليكون مفكر نزلت من السياره لان ما تصادفينه عل كروه
او ملامحي الايمانيه خل تفكر نزلت لان شغل اغنيه حبيب امك متقبِّل من احاجيك روحي معلكه بيك
او تعتقد انا من الرافضين للتطبير والسائق مشغل باسم والله اطبر ولما يطبر
يا اخي مِو حتى ظليت احس جاي تغازل جيبي بالهورن
صعدت ويه سايق تكسي اليوم الصبح
كتله الجو حار صاير بالبصره
جان يكلي اي آنا اكدر اعرف من راح يكون الجو حار
انا حقيقه راح بالي بعيد اجت كل القصص ابالي اليً سامعه
اجت قصة الرجال اليً عنده كلب يحس بالجو
اجت بالي قصص عن ناس عده حيوانات تتغير حالته ويه للجو
اجه بالي قدرات بعض الاشخاص اصحاب فراسه ويعرفون يقرون الامور الخفيه
كتله حجي شلون
كلي هذا مقياس الحراره بالسياره شوف اليوم يقرا ١٧ كل مره ٥ الصبح
حالتي صارت مثل الموعده بالزواج من خطيبه وخطبه بس طولت الخطوبه لحد هسه
صعدت ويه سايق تكسي خلاني احمد الله على نعمة العافيه
صدك ماكو غنى احسن من العافيه ولي ما مبتلى بالعافيه مالته
يملك خير الدنيا كله طبعا اذا مزوج وحده حلوه بعد
حجه عن ابنه يخدم بالمراقد ضربه احد الاشخاص بطنه
وبسببه ادهورت حالته يوم عن يوم وبسبب هل شي خسر اكثر من ٥ مالاين عمليات وعلاجات ولحد هاي اللحظه ابنه حالته صحيه تعبانه كلش
هنا حسيت بمدى تفاهت الدنيا
الله يبعد عن امه محمد هذه الأمراض ويبعد عنهم كل شر بالخصوص الحلوات
شكرآ للنقل..لا خويه يعرف كلشي بس هذا سر المهنه راح يضيع الوقت بسوالفه حتى مايشغل التبريد
لا هاي من ردة أنزل حجه
وأنا ما قلت إله يشغل تبريد
حياج الله
رد مع اقتباس
