هنا

[Hani Yaqoub]

حقارة بعض السواق
صيف البصرة حار وهل شي من المسلمات فشي طبيعي ما اصعد سياره اذا ما يشغل تبريد
و بالطبع السائق ذو خبره باختصاصه محنك يعرف شلون يفكر العبري
فيصعد الجامه الي على جهة الي يوقف بيه العبري حتى يقنع العبري ان هو مشغل تبريد
ويشغل الفان ويقول الك جانت السياره حاره هسه تبرد
وبالفعل يشغل التبريد شوي
بعده يطفي لان يريد يدخن جكاره طلبت عنده وما يكدر ما يدخن
على ما تخلص الجكاره انا واصل وما مستفاد شي
اعتقد افضل ردة فعل لهيج تصرفات
تلمس الكشن قبل لا تكعد اذا حار تكله ما اصعد واذا شغل جكاره تكله نزلني

[Hani Yaqoub]

يوميات اهل التكسي حتى مسلسلات صارت عليها و فلم فرنسي بعدة اجزاء لتكسي

موضوع حلو

اي شايف كلش هواي افلام عن التكسي اروعهن الفلم الفرنسي ذو الاجزاء
شكرا صديقي
انرت

[Hani Yaqoub]

صعدت ويه سايق كبير بالعمر يعني يجوز 45 اكبر اصغر
هذا السايق خطيه مرته ظالمته ماذيته
يكلي يا اخي
ما تخليني ارتاح بس تتعارك ودور طلايب كلت لاهله ما فاد حاجيت النسوان يحاجونه ما فاد
تزعل هواي وكل ما هاي تريد تروح لاهله
انت مزوج لو لا
لا ما مزوج
اي والله احسنلك دير بالك تزوج الزواج ضيم ومصايب
انا احتمال اطلقه
اي حجي طلقه المن مبقيه
بس هي خطيه
اي حجي خطيه هي وغبيه ما تفهم مصلحته لا طلكه
بس ما مريحتني اوصل لبيت تعبان اريد ارتاح ما تخليني
اي حجي طلكه واخلص منه لو تزوج عليه احسن الك
اي راح ازوج حتى بلكي تعقل بس وحده ومتعبني نوب ثانيه
اي حجي صدك ثنين يشبن الراس المن مزوج
المهم حجي نزلني هنا والله يسهل عليك ويسعدك

[Hani Yaqoub]

بعد ما خلصت مسواق اليوم بالعشار اجرت تكسي لبيتنا
التكسي اخذ 5000 لان كنت متسوق
قبل لا نطلق من العشار
السايق قال شوف اللبس منا ورايح حتى عبايه ماكو
حقيقه انا ما انتبهت اكو بنات او ماكو شنو لابسات عبي سافرات ما ادري
قلت اله اي هي العبي زي والزي جاي يتغير بمرور الوقت
قال لا العبي للستر
قلت اله اكو عبي ضيقه اكثر من البناطير بعد وين ستر
قال لا ما نحجي عن هذن عن العبي شوف ذيج المره شلون مستوره
قلت اله هسه هاي المره لو تكله حلال تذب العبايه مراح تذبه متعوده من الصغر عليه
هسه ايران الي همه يعتبرون دوله شيعيه هم يلبسن بناطير وعبايه يرفعنه بيدهن وين الستر بالموضوع
قال انا ماعندي اعتراض عل البنطرون لان استر اذا فوكه عبايه
قلت اله هي مو حسب نظرتك هسه مثلا انا اعتبر العبايه فوق البنطرون مغريه اكثر من البنطرون فقط شلون يعني نحرم هاي لان انا اشوف هيج
قابل الدين على ارائ الاشخاص شوف هاي الاجانب المسلمين حتى المعممين هناك يلبسن بنطرون
قال اي ذكول يختلفون لان زين من محافظ عل دينه يجوز جان يعبد البقره مدري شنو مو زين محافظ على دينه
قلت اله هي مو شغله غرب مو غرب احنا كعرب هذه ملابسنا
هواي امور عدنا نسويه هي ما عليه بالدين يعني نضيف اله العادات والتقاليد
مثلا
الامام علي يكول لا تغرك كثرة صلاة العبد يجوز متعود عليه واذا تركه استوحش
ثانيا هسه انا وياك باالامكان ناخذ غيبه وكلش طبيعيه
بينما الغيبه اشد من القتل والزنا والمفروض نخجل منه اكثر ونخاف
بينما الغرب عدهم الي يحجي على الغير هذا فعل شنيع بينما الزنا عدهم عادي لان هاي طبيعتهم
هسه الملابس بدت تتغير
سواء ستر مو ستر كل شخص هو يتحمل تبعات نفسه

[الياسمين]

ههههههههههههههه
موضوع جدا جميل
راح اشارك بقصة حدثت لي في دبي
القصة لا تحمل بعد طائفي أبدا لكن لأني اشارك في منتدى أغلبيته من المذهب الشيعي فصار يلفت نظري كل امر له صلة بهم
ركبنا مع أخي أحدى التكاسي في دبي وكان السائق باكستاني وسيم أبيض البشرة صاحب عينين كعيني القطة ( طبعا الوصف مهم في القصة هههههههه)
طلب من اخي ربط حزام الامان
سأل اخي عن اسمه فقال باسم
فقال بفرح قاسم قال اخي لا باسم
قال انا اسمي سجاد الحسيني
طبعا هو يتكلم عربي مكسر على انقلش
و عرف أننا من السعودية بسبب عباءتي ونقابي فسأل عن العمل في السعودية وفرصه وايهما افضل في دبي ام في الرياض
ثم سأل أنتم من الرياض ام من جدة
قلنا من المدينة المنورة هنا فرح وقال انا اجدادي من المدينة
طبعا اخوي ما اهتم وقاعد يسلك له ايوا ما شاء الله اصلك من السعودية
الرجل ابيض وبعينين كالبحر هو فين والسعودية فين
لكن انا حبيت استفسر اكثر قلت له يعني اجدادك كانوا في المدينة وهاجروا الى باكستان
قال لي وهو يحاول جاهدا بالعربي المكسر ان يفسر لي أن اجداده قديما جدا هاجروا قبل 1400 سنة ايام فاطمة صلى الله عليها وسلم ( هههههههه وكان يكرر كثيرفاطمة صلى الله عليه وسلم )
وهو كان صادق يقصد اصوله من الجزيرة العربية
ورغم بعد السنين والقرون لا زال حنينه للمدينة المنورة وفرحه لمجرد ذكرها
هو ما كان يعرف عربي ابدا غير شي قليل لكن كان مؤدب جدا في حديثه ولبق وانهى حديثه بالشكر لأنه تعرف علينا فشكرناه

[Hani Yaqoub]

ههههههههههههههه
موضوع جدا جميل
راح اشارك بقصة حدثت لي في دبي
القصة لا تحمل بعد طائفي أبدا لكن لأني اشارك في منتدى أغلبيته من المذهب الشيعي فصار يلفت نظري كل امر له صلة بهم
ركبنا مع أخي أحدى التكاسي في دبي وكان السائق باكستاني وسيم أبيض البشرة صاحب عينين كعيني القطة ( طبعا الوصف مهم في القصة هههههههه)
طلب من اخي ربط حزام الامان
سأل اخي عن اسمه فقال باسم
فقال بفرح قاسم قال اخي لا باسم
قال انا اسمي سجاد الحسيني
طبعا هو يتكلم عربي مكسر على انقلش
و عرف أننا من السعودية بسبب عباءتي ونقابي فسأل عن العمل في السعودية وفرصه وايهما افضل في دبي ام في الرياض
ثم سأل أنتم من الرياض ام من جدة
قلنا من المدينة المنورة هنا فرح وقال انا اجدادي من المدينة
طبعا اخوي ما اهتم وقاعد يسلك له ايوا ما شاء الله اصلك من السعودية
الرجل ابيض وبعينين كالبحر هو فين والسعودية فين
لكن انا حبيت استفسر اكثر قلت له يعني اجدادك كانوا في المدينة وهاجروا الى باكستان
قال لي وهو يحاول جاهدا بالعربي المكسر ان يفسر لي أن اجداده قديما جدا هاجروا قبل 1400 سنة ايام فاطمة صلى الله عليها وسلم ( هههههههه وكان يكرر كثيرفاطمة صلى الله عليه وسلم )
وهو كان صادق يقصد اصوله من الجزيرة العربية
ورغم بعد السنين والقرون لا زال حنينه للمدينة المنورة وفرحه لمجرد ذكرها
هو ما كان يعرف عربي ابدا غير شي قليل لكن كان مؤدب جدا في حديثه ولبق وانهى حديثه بالشكر لأنه تعرف علينا فشكرناه

ههههه كلها تحاول تنتسب لمدينة الرسول
انرتِ

[Hani Yaqoub]

صعدت ويه سايق قال من بعد القال والقيل
الدكتور يااخي حرم علي الجاي والبذنجان الدهون الجكاير والعرك
كتله العرك
كال اي بعد ليش اجذب عليك حتى العرك حرمه علي
كتله ليش حرم الجاي وهل الامور
كال من وره العرك
كتله اتركهن ياخي واشرب براحتك عوف الجاي والجكاير واشرب
كال لا تركت العرك صار 4 سنين
كتله شلون
كال مره صديقي خلاني اباله وكلي خل نروح نزور
انا كتله ما ازور
كال لا امشي نروح لابو نؤاس وماعرف شنو وبعدين انا ازور وانت ابقى بالفندق
يقول اقتنعت ورحت ويا
فرحنا لابو نؤاس دخلنا ملهى لعبت لعب كتله وهو كال لا ما سوى شي
بعده ثاني يوم راح زار
وراها رحنا كربلاء
فقالي اسبح ماعرف شنو وخلاني اسبح وساعدني
بعدين كال نتشمى بين الحرمين
نوب جاي اتمشى وجان يجرني للعباس جوه بالكوه دخلت
فمن وصلت للضريح كدام الناس صاح احلف بالعباس ما اشرب عرك بعد احلف
يكول انا صرت هلكدوتني ( هنا يوصف بايديه دلاله على استحقار نفسه
يكول وانا اكله ما اكدر
والناس تباوع وكله تصيح احلف ما تشرب احلف
وهذا ينصح وهذا اليحجي
يكول والله حلفت بالعباس ما اشرب
ومن ذاك اليوم انا العرك ما اشتهيه ولا شربته
حقيقه هاي القصه اثرت بيه وهذا بالفعل الصديق الجيد غير حياة انسان نحول الافضل
هذا من ينطبق عليه من احيا نفس

[Hani Yaqoub]

ظلمتك يا سائق التكسي
صاعد الان بكيه وجاي اكتب رساله بالمنتدى والشخص الي يمي عيونه بموبايلي افر الموبايل ولا حس
بلكي يقرا شجاي اكتب حتى يحس

[صبر العقيله الموسوي]

هههههههه موضوع حلو ان شاء الله بالايام الجايه اشارك وياك عندي هواي مواقف مع التكسي

[Hani Yaqoub]

هههههههه موضوع حلو ان شاء الله بالايام الجايه اشارك وياك عندي هواي مواقف مع التكسي

اي ليش لا سمعينه مواقفك
انرت