انا وسائق التكسي
إضغط على مفتاح Ctrl+S لحفظ الصفحة على حاسوبك أو شاهد هذا الموضوع
السلام عليكم
هذه المدونه ستكون خاصه بي مع سواق التكسي
اي نعم سواق التكسي لا تستغرب
الموضوع يستحق صدقني
لان ما عندي سياره فشي طبيعي اصعد هواي تكاسي ( ماعرف تكسيات , اهل اللغة وينكم جمع تكسير لو مؤنث)
كل ما يذكر هنا هو واقع واي تشابه بينه وبين الخيال هو اغرب من الواقع
الاصدقاء
بالامكان المشاركه بتجاربكم مع سواق التكسي او حتى سواق العبريات (سيارات النقل العام )
الادارة
احبكم
خوش مدونه افتتاح معوقمتابعه هان
عبقرية احد السواق
صعدت ويه سايق قبل شهر هيج شي كان الجو بعده حار بالبصرة
السواق يحاولون باي فرصه يطفون التبريد لان يكلفهم بانزين
انتقد السايق اول ما صعدت ويا مره
لان رادت يشغل تبريد وهو مصر على ان لا يشغل لان عذره كما قال لي هو الجو بارد وليس الطمع
فقال لتاكيد كلامه بالحجج
ان السعوديه فيها امطار الان
قلت اله هذا صحيح لكن السعوديه جبيره (كبيره ) فيعني مثل العراق هسه بالشمال امطار ويجوز ثلوج وهنا الجو حار
هو ما فهمني عدل
رجع يقول اي السعوديه بيه هسه مطر والجو بارد
قلت اله هسه عدنا مطر
قال لا
قلت له وكردستان بيه مطر هسه
قال اي
قتله السعوديه نفس الشي
قال اي السعوديه يم الاتحاد السوفيتي وبارده الشمال
قلت اله شنو
قال السعوده يم روسيا وبارده
انا تصورت يمزح او ما فهمته بالقليل
كمل كلامه على ان الجو بروسيا بارد
قلت اله انت تدري روسيا وين
قال يم السعوديه غير
قتله خويه روسيا بشرق اسيا تبعد عن السعوديات هواي كيلوات اصلا مو يم العرب بالخريطه شجاب روسيا على السعوديه
قال ها يعني روسيا بعيده
قتله اي بعيده كلش هواي.
احتمالين لعبقرية السايق
الاولى لا يميز بين روسيا وسوريا
الثاني هو سماع تدخل روسيا في سوريا قال هاي قريبه كلش
مغالطة احد السواق
اجرت سايق للشركة نفط الجنوب باب الزبير اهل البصرة يعرفوها
اطلب الامر وقت كثير حتى ادلي مكانه
علمود اروح اله ب 3000
بعد ما صعدت ويا
كتله شعجب ما تندل الشركه وانت سايق
هنا استخدم المغالطة الي تصور راح يحكني (بمعنى هو يكون على حق وارضخ للامر )
قال انا مو موظف بيه حتى اندله
هنا اشتغل عقلي وربط ويه كتاب ( فن أن تكون دائمًا على صواب) بالمناسبه كتاب رائع
قلت اله تندله مستشفى ابن غزوان ( هذه المستشفى للولادات )
قال اي
قتله بس احنا ما نخلف ولا نسوان , شركة النفط نقطه داله بالبصرة وبصفتك سايق هنا بالمركز المفروض تندلاها مو اله تشتغل بيه حتى تندله
هههههههه الله يساعد السواق اذا تدور وراهم مغالطات منطقيه
مواقف طريفه تسلم
يجوز اشارك بمدونتك في قادم الأيام
عندي كومة مواقف
تحيتي
قهرني افتتاح هاي من يمه من ذوي الاحتياجات هههالمشاركة الأصلية كتبت بواسطة خادمة العتره.
خوش مدونه افتتاح معوق
خو فد مره الغي النون وكولي ها هههههه
انرتِ
جا المن نقرا غير علمود نفتهمهههههههه الله يساعد السواق اذا تدور وراهم مغالطات منطقيه
مواقف طريفه تسلم
يجوز اشارك بمدونتك في قادم الأيام
عندي كومة مواقف
تحيتي
اي شاركي ليش لا
منوره
اليوم رحت للكليه بالعبريه كما قلت قبل قليل بالمدونه الاخرى
صعدت كيه
مره ( انثى ) كانت جالسه يم الباب على الكرسي القلاب
فنزلت علمود اصعد وحتى ينزل شخص
لاحظت ان السياره الكشنات الي بالخلف هواي منهن فارغات
كل شوي توقف السياره
اما صعود او نزول
والمره في كل مره تنزل وتصعد
حقيقه موقف مثير للاستغراب يعني هي شنو الي موازيه على الجلوس بهل المكان التعيس
الي الشاب مثلي ما يفضل يجلس هنا
حتى نزلت المره بنص الطريق
ذيج الساعه فهمت
ان هيه من كل عقله جانت فكره راح تنزل بنص الطريق فما تكعد بالخلف
من هل العقل وشيل ايدك
بس والله على قوه سدت الباب بقوه صدمتنه
سترونك ومن
هاي عرضك شرفك يا غبي
الكثير من الطلاب يحمه من يحجي ويبدع بالكلام بخصوص الطالبات
قضيت 3 سنين بالجامعه ادارة واقتصاد اروح تكسي وارجع تكسي
التكسيات الي تطبك امام الجامعه اغلب الاحيان اصعد وياهم حتى عرفتهم
جهرتي دائما تخلي الشخص المقابل يسولف اله وياخذ راحته
هواي سواق يحجون الي قصص عجيبه عن الطالبات الي بالكليه وكانو انا داخل جامعه الدعاره والفساد
قصص توقف العقل
هواي منهم يتخيلون ان بس تدخل الكليه تشوف هواي طالبات عرايه وماكو سالفه تعبانه ما تصير لا وبعد قبال الكل
ويصور على ان الطالبات يركضن وراء الشباب ويتحرشون بيهم
اهل الخبره يكولون ان افضل اسلوب لاقناع شخص بعدم صحة كلامه هو مواقفته اولا بعدها تغير موقفك شوي شوي
فانا ما اقول لا اوافقهم الراي وازيد الطين بله بالكلام الى حد هو يستغرب
واقله تدري بيه جذبت مو كذلك الي يصعدون وياك كلهم يجذبون ما تصير هل الامور بالجامعه مثل ما انت تتخيل
البنات التعبانات ما بيهن 10% وهل النسبه كلش هواي
وهي التعبانه مثل الراوتر تكنك على هواي اجهره ولو كل جهاز يجي يصعد وياك ويحجي الك قصه ويضيف معناها انت تصير عندك هواي قصص
فانا حقيقة اعتب على الطلاب الي ينقل هيج امور تعبانه على الجامعه
والي ما يفكر ان سمعته من سمعتهن
والغبي ما يفكر ان حتى اهله يدخلون هل الجامعه
حاليا اسهل شغله الانسان يتشغله هو ان يكون سائق تكسي
شغله بدون التزام على المزاج بكل وقت ممكن تشتغله
كذلك
من دخلت داعش للعراق وانا اغلب السواق الي اصعد وياهم هم جنود بالحشد الشعبي
الراتب لا يكفي ويتاخر هواي يضطر البطل من يكون فترة استراحه من الجهاد ان يشتغل هل الشغله
الكثير منهم حالتهم تبجي الواحد
الكثير منهم بطلو من الحشد ويشتغلون كسايق تكسي لان الراتب فعليا لا يكفي
واغلبهم اصحاب عوائل
بعد ماعرفت بهل شي صرت استحقر روحي من اصعد وياهم
لان اعرف
هذا الانسان قطع اشواط طويله ومستحيل ان التحق بيه
يوميات اهل التكسي حتى مسلسلات صارت عليها و فلم فرنسي بعدة اجزاء لتكسي
موضوع حلو
رد مع اقتباس
