السلام عليكم ورحمة الله وبركاته احبتي الدرر شلونكم شخباركم ان شاء الله بخير طبعاً هسه ولا واحد يرد السلام هع
المهم البارحه طخت براسي اروح اشوف الكليه الي تدرس بيها بنت كتلها اروح وياج اشوف مدرسات أولادي مستقبلاً ههههه
المهم رحت وأول شي شفته تعجبت عبالي بصراحه البنات لبسهن مو شي بس طلعن لا خوش بنات بصوره عامه ..مع عدى جرائم المكياج شيت شيت شيت بشده يعني المهم هاي فوتتها على اعتبار هنه بعدهن مو محترفات بالمكياج . .المهم صعدنا الدرج الي ستوهم بدو يصلحونه وما بي محجر وبصراحه انا اخاف من هيج مكان والشباب طبعاً ماشاء ما يكول خطيه خل اكون جنتل مان واخلي البنات تفوت المهم صعدنا طلاب المرحله الأولى خطيه ما يندلون انا كلت وسفه الا اوكف وياهم واخذت بنت عمي وافتر بيهم واسال الهم على قاعاتهم طلع ماكو قاعات الهم لحد الان طلعو قاعه استاذهم ما جاي ودخلوا درسو كملنا المرحله الأولى اجينا لبنات العرب امشي واسمعهن وحده تكول لثانيه شفتي ذاك الصاك يخبل ربي شمسوين من ذنب حتى يصير بينا هيج كتلها سلامات منو شفتي كالت شوفي ذاك يخبل وكامت تصرخ انا طبعا ضليت صافنه كلت استلم هاي جاي تباوع ما جايه تدرس ..المهم حققت حلمي ودخلت محاضره محاضرة استاذ ماجد حقيقه شي فخر اكو هيج استاذ يسوي العلي واكثر وطبعاً الطلاب ما يعجبهم هيج استاذ مجد ..وبصوره عامه الجامعه بيها هواي نواقص فكريه ومباني من كد ما عدهم نقص مسوين كرفانات الهم ...ايه طولت عليكم هذا مختصر الي شفته سلام
رد مع اقتباس
المشاركة الأصلية كتبت بواسطة ٱجَمل ٱنٌسًٱنٌة
