لايغرك عدد.. خمسين و الميه..
ربعي هواي.. بس بشدتي شويه..
كلشي نطيتهم.. ربعي سند للعوز
عتازيت ونطو.. لكن نطو بيه..
اصعد سوكهم.. سويتهم يسوون
واني السوكي عالي رخصو بيه..
اليكصدني..ايصيرا ياهلا وحياك
وكبل لاحجي اكله..الشغله مكضيه..
وعليه يحجون..!!
ويصولي الحجي اليحجو
وبررها وكولن عن حسن نيه..
يجرحوني..واحبهم.. ماعتبت بيوم
اعاتب فشله اكول.. الدنيا مكظيه..
يطعنوني بكفاي.. واني كول اعزاز
انطي بربعي ليش.. مسودن شبيه!؟..
يوميه اكول تهون.. ميقصدون
وبظهري انطعن ظليت يوميه..
افرح للفرح..واليحزن ابجي ويا
وياهم لاغي جملة.. اني شعليه
امر بوجوهم ولكاها كلها ثكال
لان خف جيبي محد مايمر بيه..
وانا الهم هلا دكيت فوك الباب
فرح لوصديق يمرني طاريه..
بس مالوهم.. اذوني!!.. حيل وياي
كل الصوج مني.. والغلط بيه..
كلمات الشاعر
ضياء الرسام
رد مع اقتباس
