درر العراق

Sωeeτ · 26/November/2016

هـنـا يـالـنـازلين هنا
هـنـا يـالـنـازلين هنا ... بقبر حسين دلوني
وتـالـي لـلـمـسنايه .... راعي الجود والرايه
اريـد اروح سـجـايـة ... واقله يابدر سعدي
رضــيــت الـقـوم يـسـبـونـي (2)

طـاحت من على الناقة ... تبعتها خوات حسين
تـتعثر واهي تنادي .... ياخويه حسين قبرك وين
جـيـتـك بـاليتامى اقعد ... تلقانه يانور العين
خويه ياللي متت ضامي ... دا اقعد جيت بايتامي
شوف انتحلت عظامي ... تراني من السهر ياحسين
مــاتــشــوف الـدرب عـيـنـي (2)

دا خـويه اقعد احجيلك ... عن احوالي بهالسفرة
مشينا على الهزل حسر .... ياخويه مشية القشرة
لـبـن زيـاد بـالكوفه ... جنايزكم على الغبرة
لو شفت الضعن من راح .... حادينا بشتمنا صاح
كـل ساعه ويتيم طاح .... كل الروس منصوبة
عــن شــمـالـي وعـن يـمـيـنـي (2)

وصـلـنا الشام آه يالشام .... ما ينحمل طاريها
يـاريـت موسدة بقبري ..... ولاطبيت واديها
ياخويه يقصر لساني .... عن اهول اللي شفت بيها
عـلى بوابات الساعات .... تلوح قبالنا الرايات
صليت اجذب الحسرات ... تمنيتك عدل ياحسين
وبــلـحـدي تـواريـنـي (2)

خـويـه والخرابه شلون ... اوصف لك مصايبها
مـهـدومـه وبـلـيا فراش ... نتوسد ترايبها
ومـاتـت فـاطمة بيها .... وماحد من قرايبها
بـقـيت ياحسين ممدوده .... عليها الجبد ممروده
وعـلي مبهوض بقيوده ... وانا انخاكم ياعز الجار
لــكــن مــاتــجــيـبـونـي (2)

يـابـو الـسجاد ماتنهض ... العيله وصلت بيها
مـحـفـوظـه كـرامتها .... دوم محافظه عليها
درب وعـر والـغـربـه ... ياخويه من يقاسيها
شـمـر الـرجس حادينا ... صوته يلتوي علينا
دا اقعد وصلت سكينه .... بهمه وحشمت العباس
يــابــن امــي وتــلــقـونـي (2)

وصـلـنا لكم يابو فاضل .... ولا جيتو تنزلونا
هـاي الـروس جبناها ... ومنكم نطلب العونه
وراس حـسين سمحوا لي .... تراه مكسرة سنونه
مـصيبه ما اقدر احجيها ... روحي تمرمرت بيها
اسـمـع مـني تاليها .... بطشت الذهب كسرها
يــزيــد وتــنـظـره عـيـونـي (2)

إخذ روحي و نظر عيني..
إخـذ روحـي ونـظـر عـيـنـي...لبو السجاد وديني...يسجلني
عـبـيـر إتـرابـه اشـتـمـه...وأريـد بدفتر الخدمه...يسجلني
إجـيـت وقـلـبـي مـلـهـوف...أريد العالم يشوف...يسجلني

روايات المشي كثره...المشه خطوه اخذ اجره...الف حجه الف عمره
زرعت الشوق بدروبي...إجيت اركض يمحبوبي...ازورك وامسح ذنوبي
مـشـيـت اأيـام ولـيـالـي...لـجـل عـيـنـاك يـالـغالي
ولا غــيــرك شــغــل بــالــي...يـسـجـلـنـي
أريـد اتـشـوف عـدوانـي...ابـوفـاضـل تـلقاني...يسجلني
وإجـيـت الـحـضـرة الضامي...وابو النوماس جدامي...يسجلني
يـمـن ضـحـيـت الـجـفـوف...اريد العالم يشوف...يسجلني

قـبـل لا ينطق إلساني...قضه الحاجات وانطاني...اسمعه يقول هذا آني
يقول اليوصل الحضره...عهد مني اجي القبره...اجاني اشلون ما احضره
وحـق الـلـي رفـع سـبـعـه...اذا لـجـلـي تـهـل دمعه
اوجــهــا بــالــقــبـر شـمـعـه...تـقـبـلـنـي
صـحـت يـالـمـا طـفـت نارك...ولو خادم الزوارك ...تقبلني
يـمـن غـيـرك فـلا اهـوه...إلـك هـذا العمر فدوه...تقبلني
اجـيـت الـكـربـلـه ازحـوف...أريد العالم يشوف...يسجلني

لـون بـدربـك أتقطع...وحق الزهره ما أرجع...عهد وبدمي يتوقع
أنـا الـمـجـنون عرفوني...أصيح وخل يسمعوني...ولا قدروا يمنعوني
تــرف الـرايـه بـالـعـالـي...رغـم تـحـذيـر عـذالـي
عــرفــنــي الــمــوت مـا ابـالـي...عـهـد مـنـي
احـس ابـراحه من امشي...عفت اهلي وعفت كل شي...عهد مني
حـلـم كـل يـوم اعـيـشـنه...اموت ابدربك اتمنه...عهد مني
نـحـر يـتـحـده الـسـيـوف...أريـد العالم يشوف...يسجلني

نـداء الـزهـره يتبعني...خيال اشعر يراقبني...هله يالقاصد اعله ابني
انـا ويـاك مـشـايه...الك غايه و إلي غايه...نروح الصاحب الرايه
لـقـائـي بـزيـنـب الـلـيـلـه...تـعـاود هـيـه والعيله
يــازايــر والــدمــع ســيــلــه...تـوصـلـنـي
مـشـيـت واتـبـع الـبضعه...يجدمي للطف بسرعه ...توصلني
اريـد الـزيـنـب اوصـلـهـا...رقـيـه وين اسألها...توصلني
جـواب الـحـره مـعـروف...أريـد الـعـالم يشوف...يسجلني

اجـيت وكاتب وصيتي...اموت بدربك امنيتي...شهيد ويرتفع صيتي
وصـيـت الـوالـد افهمها...يقول الرايه تلزمها...وانا لإبني اسلمها
الــى آخــر نـفـس بـيـه...ازورك واشـهـد اعـلـيـه
اجــي بــروحــي الــفــدائـيـه...يـجـمـلـن� �ي
ركـض عـالـمـوت مـتـعـنـي...عدوك من يفجرني ...يجملني
نـذرت مـن الـمـهـد عمري...صحت وين اليحز نحري...يجملني
اجـيـتـك ذابـح الـخـوف...أريـد الـعالم يشوف...يسجلني

طـبعي كربلائي..
طـبعي كربلائي...و إستمع ندائي
لـلموت... و أفتخر خادم يسموني
لـلـموت ...كربله شايلها بعيوني

شـرف خـدمة حسين أفتخر بيها
أظـل صاحب رساله و كون أديها
أنـا الـخـط الشعاير روحي أفديها
شـعـايـرنـه أبد لا تقرب إعليها
أكـتـب بدمائي...عاشق و فدائي
يـحـسين... ما أرد رغم اليعادوني
لـلـموت... كربله شايلها بعيون

إذا أسـمـع نـداء الأربـعـيـنيه
تـشـب نار التحدي إعله الوهابيه
هـتـاف الـشيعه يا حيدر فدائيه
حـسـيـنـيـه حسينيه حسينيه
نـقـسم إبشرفنه ...نوصل الهدفنه
هـيهات ...ما خفت من اليفجروني
لـلـموت... كربله شايلها بعيون

شـفـت دمـعة رقيه أسمع إحجايه
سـبـعـة أنعام من عندكم يوفايه
شـفـت أم الـبنين الشايله الرايه
و أشـاهـد فاطمه و المهدي مشايه
شـيـعتي وفيتوا...عالوعد إجيتوا
أحـرار... و الـنـعم يالما نسيتوني
لـلـموت ...كربله شايلها بعيوني

شـفـت ويانه رمله بيدها الشمعه
تـبـاوع عالشباب و تهمل الدمعه
عـلـي إويـاكـم و هي منفجعه
تـنوح إويه الشباب و تلطم و تنعه
ربـي يـسر إلهم ...ردهم الأهلهم
جسام... فرحتي إبوجهك يذكروني
لـلـموت... كربله شايلها بعيوني

أمـر مـن فـاطمه و الدمعه تجريها
رقـيـه إتـسـجل الأطفال خليها
إذا شـافـت يـتيمه تركض إعليها
تـسـاعـدها و تواسيها و تسليها
دمـعـة الـيتيمه ...ترسم الهضيمه
يـا ريـت... دمعتج بيها يغسلوني
لـلـموت ...كربله شايلها بعيوني

أنـا الـهـاي الزياره أي ثمن أدفع
إذا كل ساعه أموت و جسمي يتقطع
يـحـرقـوني عدل و إسنين أتلوع
و حـق نحرك يبو السجاد ما أرجع
كـل خـصم أقله ...إله امشي إله
مـشـاي ...مـقتنع خليني بجنوني
لـلـموت... كربله شايلها بعيوني

أنـا شـيـعي و موالي أنصر العتره
مـشـيت و خطوتي تسبيحة الزهره
وره مـيـت بـحر لو ينوضع قبره
إذا جـسمي تعب من جسمي أتبره
كـاتـب الـوصـيه...رايد المنيه
هالصوت... يا علي خلهم يسمعوني
لـلـمـوت كـربله شايلها بعيوني

نـحنُ أتينا... حيثُ مشينا ... فالكونُ تقدم
يومَ صمدنا ... نحنُ صمتنا ... والدهرُ تكلم
يــاحــســيــن يـاحـسـيـن

أيُ سـبـاقٍ يُـعـلـنُ هـذا للجنةِ سيرا
كـلُ فـريـقٍ يـضمنُ فوزاً لايحملُ خُسرا
نـحـو ديـارِ الـطفِ سراعاً والرحمةُ كُبرا
يـحـكـمُ بينَ الناسِ حسينٌ والحاكمُ أدرا
تلكَ هدايا... خيرُ عطايا ... بالفضلِ تُقسم
أعذبُ عينٍ ... حبُ حسينٍ... والعاشقُ يعلم
يــاحــســيــن يـاحـسـيـن

أسـكـتَ شعراً أخرسَ فناً في أروعِ مشهد
ذلـكَ طـفـلٌ ذلـكَ شـيخٌ عزمٌ يتوقد
بـيـتُ ضـريـحٍ لـو يـأتيهِ مليارُ تمدد
إنَ حـسـيـنـاً كانَ فضاءً لا لا يتحدد
قـالَ تـعالا... فيهِ مقالا... والفجرِ فأقسم
عـشـرُ ليالٍ ... كلُ ضلالٍ... فيها يتهدم
يــاحــســيــن يـاحـسـيـن

نـحـنُ كـتـبـنا دعوةَ حبٍ للعالمِ تُرسل
ثـمَ صـرخـنـا يـومَ عرفنا والعالمُ يجهل
هُـمَ إلـيـنـا إنَ لـديـنـا سراً يتنزل
قـسّـمَ فـيـنا الحورَ حسينٌ من ذا يتخيل
حـينَ وجدنا... كم نتمنى... للناسِ ونحلم
لـو تـبعونا ... لكتشفونا... في الجنةِ ننعم
يــاحــســيــن يـاحـسـيـن

مـوكـبُ نصرٍ داسَ عروشاً للظلمِ وأرعب
لـيـسَ مُـرادُ الزائرِ قبراً فالباطنُ يُحجب
مـن صـعدَ الافاقَ يرانا والصورةُ أعجب
نـصـفُ مدارِ الكونِ حسينٌ والآخرُ زينب
ذاكَ مـقـامٌ ... فيهِ إمامٌ... والقولُ مُسّلم
لو يتجلى ... عزَ وجلى... كالطورِ وأعظم
يــاحــســيــن يـاحـسـيـن

يـدفـعُـنـا لـلـسيرِ يقينٌ أن لا نتعذر
إيـهـي ورأيَ الـعـيـنِ رأينا للايةِ مظهر
ذاكَ إمـامُ الـعـصـرِ مجيباً للركبِ تصّدر
مـا كـانَ لـيـأمرَ بالحسنى لو كانَ تأخر
راحَ فـقيراً ... عادَ أميراً ... من زارَ وسلم
أدركَ عُليا ... أحرزَ دنيا ... في الحشرِ يُقدم
يــاحــســيــن يـاحـسـيـن

على هذا تعب تتقيم و اكمل قصائد بالجزء

Sωeeτ · 26/November/2016

عين الله ترعاكم يزوار...حُسيناً واحسيناه

عين الله ترعاكم يمن مشّايه رحتوا الكربله
و المهدي يتصدق بإسمكم نيته دفع البله
ابكل خطوة وياكم مشه و كل فكره يمكم
حته بصلاة الليل أظن يذكر اسمكم
عينه اعله ممشاكم...عين الله ترعاكم

منهو مثلكم بالبشر و المهدي وياكم سعه
ميرد طلبكم لو سمع مولانه نسألك الدعه
المهدي عين الله عله أرضه و سماءه
هنياله كلمن صار مشمول بدعاءه
هذا الشرف جاكم...عين الله ترعاكم

عيشوا بحلمكم بالمشي خلوا الحلم بين النظر
يمكن يكون أقرب شخص هوه الإمام المنتظر
لا تغفلون اعله الذي يمشي بمشيكم
يمكن قبل لحظه إجه و سلم عليكم
إمشوا علي اوياكم...عين الله ترعاكم

كل موسم امن الحج نشوف المهدي بالحج اشترك
و بموسم المشاية حتماً يشترك دون أذنى شك
يالزاير افتح عين قلبك خل تراقب
يمكن تشوفه بوحدة من هاي المواكب
و ينادي حيّاكم...عين الله ترعاكم

ما تنطفي هاي المسيرة اشما مضه اعليها العمر
لن حجة الله ابن الحسن متكفل ابهذا الأمر
يمسح عله المشايه و يحفها بيمينه
و اعله المواكب منتبه و امخلي عينه
بعيونه خلاكم...عين الله ترعاكم