يا نجمه شطيحج بالكاع
لَمْ يَعُدْ الصَبَاحُ البَاكِر ( بَاكِر ) !
الشمس قدَّت قميص الليل
ياهو يصدها عين بعين ويكللها غلطانه ؟
ينجمه شطيحج بالكاع ؟
يخد من عافيه شخلاج يم شفاف جوعانه
لجحتج وانتي ماي بغيم
الاعمى يشوف اذا بالطيف
والاخرس كلبه من يحجيج ما يحتاج للسانه
شعندج باقيه هنانه ؟
اطار الصورة للمرسوم بيها يصير سجانه !
وجهج بي ملامح خوف
خوفة نجمه شافت ليلها يكصر بالضوه ردانه
خوفة اخر العنكود
من يتلاكه ويه البير ويخزرونه خوانه
قلق نومة عيون الذيب
ومخازر عيون البوم
شجاج وهسه صارن بيج يم عيون نعسانه !؟
احب الكاع جي متطيح
احب القبله ما تندار
احب السكته جي تنهاب
القلم لو سكت عمره يطول .. يموت .. كتابه دفانه .
بس لو طال صمته هواي
الورق اخرس يظل يعيش مثله اوياج عشت انه
حسين علي ألمطوري
رد مع اقتباس