لهذا هواي كالو عني مغرور
إذا تحضني تشتم بيه دخان..
وذا تسمعني تلگه سوالفي تفور..
صدگ بالمگفه شايل برد تشرين..
بس بالملگة خايب چني تنور..
شني نثيه وعليهة زحوف الارجال..
إذا بالجنه هم ماگلب الحور..
مثل الذيب أغمض عين إذا نام..
خاطر عين تغفه وعين ناطور..
إعله ولد الغمه شفنه الراحة تفصال..
الفشگ بس إعله ولد الخايبه يثور..
شكثر ماودعت بوجوه العزاز..
وصلت الحالة اصادق بس الگبور..
أسد بحلوگ كلمن عايل وياي..
البنادق تنخرس لو ماكو شاجور..
أغرف بيدي للگال آني عطشان..
أخوتي وبالسلف سموني ناعور..
صدگ أضلم ولكن لو طفح غيض..
يطلع البير كلشي إن چان مستور..
الوحيد الظله ابيض ينعكس ماي..
لهذا هواي گالوا عني مغرور..
كلهن ذني فدوة وماشلت بال..
بس آني عله شغله هواي مقهور..
الشلتهم فوگ ظهري وصارو رجال..
أول ماطحت عافوني مكسور..
علي السامرائي
رد مع اقتباس
