هنا

[Hani Yaqoub]

يوم السبت
٤/١١/٢٠١٨
احب شهر ال١١ كثيرا يشعرني بالسعادة
السبب بهل الشهر ينولدون احلى ناس الهم مزاج عجيب
اهل العقرب واهل القوس
والي عنده صديق من هل البرجين يعرف معنى السعادة

هل المقدمة الي حجيته شنو علاقتة بما حصل اليوم
ولا شي بس مجرد اشعر بالسعاده
واعتقد هذه السعادة خلتني اقاوم اليوم المرهق
من ساعه ٨ الى ٣

المحاضره الاولى انتقال الحرارة
هل الموضوع سهل يعتبر عند طلاب الثالث بس المشكلة الاستاذ طريقة شرحه مجاي تجي ويه مصفوفة دماغي
وبالنتيجة شعرت بعدم الراحة حتى بدينه نحل الاسئلة
اكتشفت ان اول سؤالين چانن سهلات هواي
الطلاب يكولون هاي السؤالين يمثلن الفصل الاول من الماده
اذا الزبدة الفصل الاول طلع سهل
وانا جنت أتصوره صعب والسبب لان ما اقرا
ما اقرا لان جبريل يروح بس للمقربين والمحبين لله
قابل يجي لهاني ويكله اقرا


المحاضره الثانية تحليلات هندسية
هل المادة الي يشفع اله رياضيات وانا احب الرياضيات مثل حب الحلوات للحلويات
مادة طويله جدا الاستاذ جاي يعرف شلون يتعامل وياها بصفه رتيبه منهجية مستمرة مع الاسلوب الممتاز
نسأل الله الزواج لكل محب للتحليلات



صورة اليوم بعنوان
اضحك حتى تبتل شفتي صديقك
هل الصورة لان مو واضحة رفعته
الاصدقاء محمد واحمد وعلي وكاظم الي رافعه
وزنه ٤٠

[Hani Yaqoub]

الثلاثاء ٦/١١/٢٠١٨
احلى ايام المرحلة الثالثة يصادف هيج يوم أسبوعيا
والاسباب تختزل لسببين
الاول اليوم يوم المختبرات
والكورس الاول مختبراته سهله
وهي نظرية الآلات و محركات الاحتراق و التصنيع او الصنع ( معضله اهل اللغة)
اساتذة هل المختبرات خوش الخوش وبالنتيجة يوم مريح

ثانيا مادة الاحتراق الداخلي مادة لطيفة على دماغ مريحة للأعصاب سهلة

المحاضرة الاولى
مختبر لحام

اليوم طلب الدكتور كل شخص يگص قطعتين ويلحمهن
وبما اني ما لاحم قبل لعبت جوله بالقطعة
لم لازك الحديدتين ببمبر ( الي استخدمة النبي نوح للصق اجزاء السفينة اما الكفار ما استخدموه بسفينة تايتنك فغرقت والله العالم )
من شافه حسيت بالأستاذ انصدم من رداءة اللحام


المحاضرة الثانية
محركات الاحتراق الداخلي
صديقي ضعيف باللغة الإنكليزية بشكل رهيب
جنت اعتبر نفسي ضعيف ( امام الجميلات ) بس مقارنة بيه اطلع ماري كوري قبل لا تاخذ النوبلين ( اذا صح جمعهن هكذا ) بالفيزياء والكمياء

من حق كل انسان يكون ضعيف بالانكليزي
حكمة الله التي فطر عبادة عليها
بس مال تكون ضعيف بالانكليزي وكل ما حجة الاستاذ تطفر اترجم العبارات والمصطلحات لا هاي جدا قوية
حتى اكون منصف استطاع صديقي ان يصيب الهدف بترجمة ولا كلمة على طول المحاضره

وحتى اكون اكثر انصاف
دعوني أستعير ذكريات السبت الماضي عندما قراء صديقي كلمة هيومنز والتي تعني البشرية قراءها احسان
بعد ان ضحكنا قال للاستاذ بعد ان قراء نصف سطر فقط
لاحظت المادة بيه مصطلحات صعبة جدا ماذا افعل لتفادي هذه المعضلة
فاجبة بكل حنكة اقرا اسئلة هواي
فدونها في سجلة

[Hani Yaqoub]

من بعد ٣ سنين صديقي حصلت رقم الي يحبه


نرجع بشريط الاحداث شوي
١٠/١٠/٢٠١٨
يوم السبت ما رحت للجامعة
چانت نيتي اضرب اول محاضره لمادة انتقال الحرارة المملة لان ما يسجل حضور ( ضربني بوري الاستاذ. ولأول مره سجل حضور فتم تغيبي)
المحاضره الثانية تبدا ب ١١ مادة تحليلات هندسية
كعدت من النوم ساعة ١١ اله ربع وبالنتيجة ما رحت
ومن حسن حظي جانت اول محاضره ما يسجل بيه حضور ( الله موجود دليل الطالب المسختچي)
انتهي يوم السبت نوم وعبادة بالبيت هههههه


يوم الاحد
11/11/2018
مادة ( خرب نسيت اسمه بس هي بيه فلود وثرموا هيج شي)
الاستاذ تاخر ربع ساعه
فخليت وطلعت ( شنو الخليت ؟ اعتبرها لهجة مو اكثر ) فصادفت الاستاذ جاي
فخليت ورجعت ( شنو خليت ؟ مو كتلك لهجة كلساع اعيد )
المحاضره جانت فقط حل اسئلة على الدتا شو ( شاشة عرض البيانات ، في حال احد ما سامع بيه )
عيوني اذتني منه هواي


انتهي اليوم
نرجع لصديقنا الي حصل رقم حبيبته
هسه خابرني وكلي
ماكو اي علاقة بين الاحداث والاتصال

[marwa12xd]

برافووو

[Hani Yaqoub]

چهرتنا باخر يوم باامتحانات المد
بتاريخ ٢٩/١٢/٢٠١٨
علماً ان الحلوين الي بالصورة متوفره جميع حساباتهم عندي
وللعلم القمصلة ربحته بلعبة بوبجي

[Hani Yaqoub]

اليوم تاجل المحاضره
وبسببه شعرت بالسعادة
مثل المره الحامل ب٣ توم

[marwa12xd]

هههههههه والله ضحكتني هاني كل التوفيق

[Hani Yaqoub]

سعياتي جگد ما رچيچه
يحتاجلي نبي مو عادي من ذول الحوك أولو العزم يطگني بدعاء يلا انجح
احب اگول لكل شخص دعالي وگلي الله يوفقك
حبيبي راجع نفسك دعائك ما استجاب يعني عندك مشكلة ويه ربك
علمودك انا وله ما تهمني الدرجات بس حرامات تدخل بزون جهنم

[Hani Yaqoub]

الاستعداد لامتحان التحليلات الهندسية

[رحيـــل]

ياربي فدوة لخاطري نجح هاني سعياته كولش ضعيفة