هنا

[Hani Yaqoub]

اليوم الثلاثاء
التاريخ 10/1/2017
اليوم امتحنه كوز هندسه كهرباء طبعا جفصت ( اصل الكلمه من جفص يجفص فهو مجفص ماعرف شنو تعني بس اعتقد اصل الكلمه من المثل العراقي راد يكحله عماها او من لو هذه مثل ذيج لا خوش بطه وخوش ديج ) بيه مع بقية الطلاب المشكله كانت الموضوع سهل لكن الاستاذ رسم خط تيار بمكان حساس فخربت الشغل علينا مع الاسف
طبعا كنت مقرر اقرا رجعت للبيت وكلي عزيمه واصرار وطموح وجان انام واكعد الصبح مقاري وراحت للشغل قريت شوي والله كريم
انا مضايج علً الامتحان اناً ضايج علً درجه اناً مضايج عل درجه اناً ضايج ليش مجاوبت
اليوم ما اجه استاذً الميكانيك مثل امس وهذه نعمه من الله

[Hani Yaqoub]

صور اليوم مقابيل باب الجامعه
ملامح الحزن تطغى
اذا حزن القلب مِو شرط الجهره تحزن هههه

[a_hakeem]

لدي الملاحظات التالية
الموضوع رائع مستمتع به كثيرا
لان مليان بالمعادلات الرياضية والفيزياء والكيمياء
بعدين بالرغم من عدم معرفتي موقع كليتك لكن الجو يذكرني بكليتي
اكو جان جيران بالعشار شخصية رائعة ومعروفة بالبصرة
الحاج عباس البريسم (ابو فوزي) (رحمه الله) ما اعرف اذا كنت من العائلة
اخيرا اذا لاسامح الله حبيت تغير اختصاصك
انسب شغلة تلائمك ممثل كوميدي
مثل كثير من المهندسين والاطباء المصريين
ولازلت متابع
وشكرا لك

[Hani Yaqoub]

لدي الملاحظات التالية
الموضوع رائع مستمتع به كثيرا
لان مليان بالمعادلات الرياضية والفيزياء والكيمياء
بعدين بالرغم من عدم معرفتي موقع كليتك لكن الجو يذكرني بكليتي
اكو جان جيران بالعشار شخصية رائعة ومعروفة بالبصرة
الحاج عباس البريسم (ابو فوزي) (رحمه الله) ما اعرف اذا كنت من العائلة
اخيرا اذا لاسامح الله حبيت تغير اختصاصك
انسب شغلة تلائمك ممثل كوميدي
مثل كثير من المهندسين والاطباء المصريين
ولازلت متابع
وشكرا لك

اهلا وسهلا الحكيم اعتذر عل تاخر بالرد بسبب الدراسه متحانات وكذا
اشكرك على المتابعة والكلام اللطيف
حقيقه كان الموضوع بالبدايه الهدف منه مذكرات واحول ما اقرأه بصوره طريفه
اسلوبي بالحفظ هو ربط ما ادرسه بالواقع بعلاقه فانتازيه غارقه بالتحشيش وبهل الحاله ما انسى
اما التمثيل يطلب لغة جسد أكثر من لغة الكلام وهذا ما لا اجيده
اسعدني تواجد

[Hani Yaqoub]

اليوم الخميس
التاريخ 12-1-2017
اليوم اول يوم ما اروح بيه للجامعه والسبب الاحد امتحان السعي ميكانيك هندسي
كسرت الرقم القياسي بالنسبه كاكثر وقت متواصل للقراء وللماده الواحده اعتقد اكثر من رقم قياسي كسرت واو
تقريبا قرات اكثر من 16 ساعه خلال يوم واحد حسيت راسي بده يطلع دخان اعتقد بالامكان واحد يفور على دماغي كهوه (الغريب بالاموضوع ان المقاهي بالعراق يسموهن كهوه مع ان الجاي هو السائد بيهن ماعرف شنو هل تناقض يمكن مستقبلا يسمونه جايه )
حد هذه اللحظه فلست بير وهبلر تفليس بحثا عن اللب لولا ان من الممتع تكريز هذه المسائل لوقعت بمصيبه اعظم من مصيبه يوسف من اتهم
ما حيرني غير شلون اخترعو هل المسائل شنو هل الخيال الي عدهم بحيث يكتبون هيج مسائل
اتفه موضوع اخذنا بالمكانيك السنترويد اقصد اسهل من بقية المواضيع مشكلتي لازم احفظ كل شكل شنو الاكس بار اله والواي بار يعني مركز الشكله والكتله وهيج امور حتى اقرب الصوره اكثر بخصوص هل الموضوع تخيل يجي واحد يكلك وين مركز جسمك بحيث من اقطعك وصل ووازن كل قطعه تطلع مساويه نسبتا للمركز
انت بهل الحاله تجاوبه شنو عشيرتك لان الموضوع خارج السنترويد هذا شخص شرس وقح جاي يتهجم عليك
من اجمل المواضيع الاتزان لان يجمع كل المواضيع المحصلات وتحليلهن والزوايا والعزوم ونقلهن واسبتدالهن ونسالكم الدعاء والدهينه اذا جنت بالنجف وجاي تقرا ما اقصد بالمقبره
دارسة الميكانيك ممتعه لكن تتطلب وقت وهل الوقت ما متوفر عندي اما والله لو توفر هذا الوقت جا نجحت بسهوله لا اكثر
انتظر الامتحان بفارغ الصبر كي ارى ومالي لا ارى الدرجات مابين الصباحي والمسائي

[Hani Yaqoub]

اليوم الجمعه
13-1-2017
يومان ما قبل الامتحان تق تق تق تق تق تق تق الثواني تعد متخيل حالي بمسلسل 24
نمت واحساسي ما مسيطر على الماده والحمدلله كعدت (استيقظت للقارئ المثقف) وكلي احساس انا فاهم الماده وزياده
اعتقد هذا ما يقصد به بان الشيطان يزين لكم الاعمال السيئه وله شنو الي تغير وخلاني اكعد وانا حاس روحي مفتهم
حتى ارسب وبالتالي هذا يكون احد اسباب فشل المسلمين وبالتالي الناس ما تدخل للاسلام لان الشيطان خدع هاني وزين اله انه هو مفتهم وهو ما مفتهم
بس مع ان هذا راي المسلمين بهل الخصوص العلماء يكولون لا حباب انت جنت تدرس وانت نايم
لا بربكم هاي شلون صارت
انت ما تدري ان العقل وقت النوم يشتغل باقصى طاقه اله لان وقت انت مستيقظ ملتهي ويه الجوارح (اعتقد هذه احد سلبيات العيون والانف من تكون بالجامعه الحلوات يكطعن مثل ما يقول الشاعر الهمام لعينيك ما يلقى الفؤاد وما لقى ولهل السبب طاح حظنا) وبالتالي الموضوع الي انت قاريه قبل النوم راح اتم معالجته بالدماغ وفق خوارزميه ربانيه لوثتها الظروف المعيشيه فيتم الحذف والاثبات الا اذا استغفرت قبل ال 9ساعات فيحذف الاثم حديث صحيح
اذا بالنتيجه اما اخذ براي المسلمين ونظرية المؤامره وهي نظريه تخلي النفس اللوامه تظهر بمظهر شرس ومفترس او بنظرية اللعلماء الي هي مريحه للدماغ وتخلي النفس المطمئنه ترغب في لقاء الله
في كل الاحوال تق تق تق وقت الامتحان ستجزى كل نفس بما عملت

[Hani Yaqoub]

صورة هذا اليوم
بعد الانتهاء من التحضر للامتحان
حاليا احس دماغي يفور

[Hani Yaqoub]

ضاقت فلما استحكمت حلقاتها فرجت وكنت اظنها لا تفرج
لرفع المعنويات
كل سؤال احله ترتفع معنوياتي للحظات بعدها تهبط الاسئله كثيره والحلول كثيره جدا دماغي استهلك كل عضلاتي الي تعبت عليهن
الان صدقت بان الدماغ ياخذ نسبه عاليه من طاقة الجسم عند المذاكره او عند الدراسه وفق اللهجه الدارجه
ما تعلمته في هذه الايام
انا وانتِ كمثلث متساوي الساقين قلوبنا عند البعض واجسادنا بعيده
انا كوساين تربيع وانت انت اياكي انت كوني غيره الساين تربيع ولا افترقنا عن الواحد
خير الاصدقاء ما كان عددهم 3 وكلهم وكلهم تربيع
كل انسان في الاصل من شخصين هكذا كل قوى من مركبتين واحده تمم زاوية الاخرة
اتزان الموده ضروري مابين السلب والايجاب في كل العلاقات فانت طغى احدهما اختل التوازن فلا تكن ايجابيا زياده
لكل لسان عزم فكلما طال زادت المشكله خير الالسن قصيرها وخير القلوب اوعاها

[Hani Yaqoub]

صورة هذه اللحظه
امام قسم الميكانيك
لحظات السج

[Hani Yaqoub]

يقتلن ذا اللب حتى لا حراك به وهن اضعف خلق الله إنسانا
ماي هارت تعور
اذا رسبت فالجميلات السبب