كلية بالهندسه اليوم
كلية بالهندسه اليوم
اليوم الاحد
12-3-2017
وجان استلم النتائج طايح بالرياضيات مثل ما توقعت اما بقية المواد 2 جيد 2 متوسط 3 مقبول
ماعرف منين اجت هل الدرجات مع اني ما درست هل الامتحانات ابد والمحيرني مادة هندسه الانتاج سعي كان 34 من 40 وماخذ بيه مقبول معقوله جايب 14 من 60 عجيب والله الميكانيك توقعت بيه ما مجاوب طلعت ماخذ بحدود 40 من 60 الكهرباء ماخذ بهل الحدود ايضا الانكليزي والكيمياء توقعت ارسب بيهن طلعت بيهن مقبول الحمدلله مابيه حيل امتحنهن من جديد الانكليزي عندي مشكله ويه القواعد عظيمه
لغة الكفار ما احب اتعلم قواعده
الرسم ماخذ بيه جيد مع اني حليت نص الاسئله والباقي تركته هديه للاستاذ
الحمدلله خلصت من الكورس الاول بقى بس الرياضيات طبعا عرفت شلون ادرس الرياضيات
اسلوب الاستاذ يجيب اغلب الاسئله من اخر محاضره والمشكله طبعي انا ما اقرا الماده كله احاول اسيطر على جزء فقط والباقي اتركه المن متعب روحي
هل الشي خلاني اطيح بالماده لان كنت ما قاري اخر محاضرين واجت بحدود 45 درجه عليه
اعتقد عاقبنا للاسف فقط 10 طلاب نجحو بالرياضيات والبقيه كله رسبت لان كله ما تقرا اخر محاضره
بالصباحي والمسائي الي ناجحين بكل المواد 16 نفر اجمالي عددد الطلاب يوصل تقريبا 200
يعني رسوب فضيع
هواي طلاب طايحين ب 5 و6 ماعرف شلون راح ينجحون اذا جانت سعياتهم تعبانه
المحاضرة الاولى
برجمة حاسبات
اليوم اخذنا اول محاضره برمجه امتحنا كوز الاستاذ بالاوراق اخذت 4.5 من 5 للاسف نسيت الفارزه بالاخير من كتبت شلون فاتتني ما ادري
وبعده طبقنا البرنامج على الحاسبه والحمدلله كالعاده خلصت اول واحد واخذت 5 من 5 يعني 9.5 من 10
الاستاذ بعد ما طلع من المحاضره سئلنا عن الناجيحن والراسبين وسئلني كتله بالرياضيات اتعجب كال هاني انت زين عدنا بالبرمجه والرسم شعجب كتله صار الي صار
المحاضرة الثانيه
الحاسبات
اليوم اخذنا فصل جديد بالحاسبات والاستاذ ابد ما يعرف يدرس هو ذكي بس اسلوبه مو مال تدريس مجاي يعرف الطالب شنو يريد
اليوم بشكل عرضي فهمت بعض الامور الي تخص البرمجه منه مع العلم المفروض هو حاجيه ومركز عليه
جنت احجي ويه صديقي بخصوص خطا بالسؤال الي كتبه الاستاذ اقصد بخصوص خطا بالحل
ففجا انداريت على الاستاذ كتله اكلك هنا الطلاب ظلو يضحكون والاستاذ انصدم
كتله العفو دكتور بس هذا السؤال بيه خطا المفروض هاي تحذف كال ها اي صح والحمدلله جا صرت عرضه للمسخره
كنا راجعين بالطريقه وصار حجي الطلاب بخصوص الحلوين والزيان فطالب جالس قدام قال يمعودين هو وين حلوين بس هاني الحلول بينا
فانا كتله يا هاني افتر عليه اتعجب كال هاي انت ويانا هههههه
بعدين كال راح ازين وانت زين ونشوف ياهو حلو بعدين كال ما يحتاج انت احلى
المشكله انا جنت ناوي صدك ازين هسه لازم ما ازين هاي شلون سالفه بالله وتالله و والله
المشاركة الأصلية كتبت بواسطة Hani Al-Mayahi
كلية بالهندسه اليوم
مرتبيها صايره براسها حظ
الان
ضربت محاضرة الوصفيه حتى اقرا هندسه الانتاج
اجواء امس
اليوم السبت
25-3-2017
اليوم كان عدنا امتحان هندسة انتاج ورحت ما قاري لان الماده درخ واكره الدرخ احب الامواد الفكرية
فما دخلت محاضره الهندسه الوصفيه الي هيه قبل ساعه من االامتحان
قريت ثلث ساعه تقريبا وسجيت ويه صديقي نحاول ندخل كلية العلوم بس للاسف ما لكينا اي منفذ بينا وبينهم
بناتهم صاكات مو بيدنا
المحاضرة الاخيرة هندسه الانتاج
امتحنا والحمدلله اول شخص خلص بالقاعه وجاوبت على الي اعرفه والحمدلله اعتقد انجح
يعني ثلث ساعه فقط نقلتني من الصفر الى النجاح ما هذا يا الله
لا وبعد كعدت اغشش الاصدقاء هههههه
السبب هو طريقة القراءة
قريته كفهم وبالتالي فادني الموضوع
بس صدك نعست بيه للحظه غفيت
الرسم المحاضرة الاولى
والله صاير اكره الرسم بشكل تعب حيل ظهري نكسر
استلمت اخر رسمين راسمهن واحد 7 واحد 8
المشكله ابو 8 ما عندي اخطاء منقصصني على الابعد الي هي خارج الرسم وهو ما متكلم عنه اليوم يتكلم
عجيب بالله شلون ينقص على شي ما موضحه
بسبب عدم وجود مكان ملائم لموضوعك هذا، .. من الافضل نقله إلى (مساحة حرة). .. بس طبعا الافضل هو نظام المدونات اللي صمم خصيصا لهذا الغرض
مقهى الدرر خاص بمناسبات او الاحداث اللي يمر بيها الاعضاء، بحيث الكل يكدر يشارك بالموضوع
منتظر اجراءك .. تحياتي
ماعندي مشكله اذا اردت نقله لمساحة حرة
للاسف نظام المدوانات بالمنتدى ما اشوفه ملائم
لان هدف موضوعي فقط عن الهندسه اما نظام المدونات ممكن يختلط بيه كلشي
غير انه يطلب الدخول على كل موضوع على حده بشكل متعب
مو مثل المواضيع سلس
ينقل الى
لحظة افكر
بتاريخ هل اللحظة اعيد افتتاح مدونتي
بسبب قانون الاحقية مدونتين
في الهندسه بتاريخ
11/9/2017
الاثنين
اليوم كان اول ايام امتحانات الدور الثاني كان عندي تحميل ماده من الكورس الاول والاسباب عاطفيه بحته ولا ما استحقت دور ثاني
والحمدلله جانت الماده اصعب من الدور الاول بطنين
نسبة عدد الطلاب اليوم جدا هائله , ما جنه امتحانات دور ثاني , بزيهم الابيض على عرفه يرجمون الشيطان
صديقي الصدوق العاشك المغوار وفق قانون الصدق( الجذب )لنيوتن ان صديقي انجذب الى كتلتها الصغيره غير انها لم تبادله الانجذاب ما ادى الى تداعيات على مستوى يؤهل العيون الى استذكار علة وجودها وهو البكاء
بقلب حزين واهات متتاليه ابتداء صديقي يومه بعد ما شافه ولسان حالها طلعت للبحر تتشمس الحلوه , يمكن المقصود بحر العاشقين والله اعلم
الجمال ينسى او البصراويات يزدادن جمال يومين بعد يومين لاسباب لا يعملها الى الراسخون بالغزل , بعيون مشنهكه ( مثل ما تقول امي وقصدها نفس موسى من صعق عندما شاهد جمال الرب) وقلب مضطرب
ابتداء اليوم
وانتهى بقلب مشنهك وعيون مضطربه
رد مع اقتباس
