يييي جايه لهذا المكان اكثر من مرهالمشاركة الأصلية كتبت بواسطة Hani Al-Mayahi
زين هسه تاكدتي وين شايفته
يييي جايه لهذا المكان اكثر من مرهزين هسه تاكدتي وين شايفته
ههههه نورتي الجامعهيييي جايه لهذا المكان اكثر من مره
صورة هذه اللحظه
بوابة جامعة البصره
صورة هذه اللحظه
بوابة جامعة البصره
ردت اجي على يوم ومصارلي مجال
حرامات جانت الأجواء اليوم تخبل لان الجو حلو
ردت اجي على يوم ومصارلي مجال
وحلوات هواي
ها اذكرت انت بنت ههههه
اليوم السبت
2017-3-4
اليوم كان اول ايام الكورس الثاني والحمدلله والشكر اليوم كان جدا حلو
كعدتني امي 8 ونص والمحاضره الاولى تبدي 8 ويطلب وصولي للكليه مع اعادت النشاط الفعلي ساعه فقلت لامي ارجع انام احسن لان الدوام فات بعد
كان عدنا وصفيه ورسم هندسه فضيعتهن للاسف الغير شديد
الساعه 9 ونص اتصل علي (مو اسمه علي ) صديقي قال ماكو وينك مفتقدينك فهنا حسيت روحي فد شي فاستعاديت النشاط وانطلقت للكليه وكلي امل بان ادخل الورش الهندسيه والميكانيك
بعد ما وصلت قالو الورش صارت يوم الخميس والميكانيك الغيه من يوم السبت فصرت مثل الي رايح يخطب واهل المره يطلبون مهر غالي ويقفلون عليه اعتقد اذا صار الموقف وياي راح اسولف الهم موقف اليوم بتغير الجدول
انتظرت ساعتين حد ما دخلت وياهم ماده هندسه الانتاج او الهندسه الانتاجيه( من اجل حقوق المراه )
هندسه الانتاج
المحاضرة الاولى
بما انه هذه اول سنه كورسات وبما انه بالكورس الاول خلصنا الماده المخصصه للسنه كامله
فصارت ماصخه من قبل الهندسه وخلقو مواضيع جديده حتى يدرسونه بالكورس الثاني وبالتالي الاستاذ قال ما راح تحصلون اسئله عن هل الماده لسنوات السابقه لان هاي جديده كما قلت سابقا
كان الموضوع عن المعادن يعني الموضوع حلو مسلي بالنسبه الي
مرات احس كاعد وسط شله مال اغبياء من كثر الاسئله التافه الي تصدم العقل الباطن والضمير و الجزء القليل الذي توارثته من النبي ايوب وهو الصبر مع انه ماكو بينا علاقه حسب ماعتقد
الاستاذ قرأ ما هو ظاهر على الشاشه
في بعض الاحيان ان المعادن عند تشكيله على البارد نشكلها على الساخن عرضيا
فقال الطالب استاذ يعني على عرض الغرفه
الاستاذ حتى ما فهم هل السؤال الغبي قاله شنو انا بلحظته افتريت على الطالب كتله ثانويا
استاذ انت لازم اطلع النا الاسئله والاجوبه الي بالماده جا شلون نحفظها
والله جاي يحسسوني روضه مو طلاب .
اليوم كنت لابس نصف ردن لان حاره (بدي) كما يطلق عليه الغرب الكافر واقتبسناها . فحصلت مغازلات كثيره من قبل اصدقائي
(ما هذا واو) بالعامي هاي شنو ولك شطالع طبعا انا صدقتهم لان احنا الولد ما نجامل
اما ابو الكافتيرا قال لي او كلي انت ما تاكل دهون مو كتله لا ماكل نظر الي نظرة حزن ورفع تكبيرة الاحرام المخصصه للكرش بعد ان ضرب عليه
قلت اله حسن اكلك 4 اشهر يطلع نقش وياك
طبعا ابو الكافتيرا يعرف الاكل مالتي وهو اما كلاكسي وياه حليب ابو الكاكو او اخذ من لفه اخلي يخلي دبل ستيك دجاج و حليب
يحسب الي اللفه ب 1750 واذا مو دبل 1500 سعره طبعا ما احب يخلي بذنجان وبتيته اصابيع (او كما يقولها الغرب الكافر فنكر)
حبيت مدووونتك هاي رغم مقريتها كلها
بس لان بلشت اول محاضره الك يوم ٢٣-١١
تسلمين
عود اقريه مو ركضتي بس على عيد ميلادج
اليوم الثلاثاء
2017-3-7
اليوم طلعت متاخر جدا من الشغل وبما انو اليوم الطبخ علي وماخذ مواعين هواي وما جنت لابس زي فضطريت ارجع للبيت حتى ابدل وبتالي وصلت للكليه متاخر جدا ما لحكت على حلوات الصباحي
المحاضره الاولى
كهرباء
هذه اول محاضره كهرباء ناخذه بالكورس الثاني اخذنا موضوع سوبر بوزسجن (Superposition) خمطت الاسم من الكوكل يدوب اعرف اكتبه بالعربي مو انكليزي نوب
الموضوع جدا مسلي فكرته المصادر بالدائره كلهن تلغين وتبقي وحده وطلع التيار وبعده تلغي هل المصدر وتفعل مصدر اخر وهكذا وتطرح او تجمع حسب اتجاهات التيار المستخرجينه
بعد ما شرح الاستاذ الموضوع وحل سؤال اختبرنا بسؤال اول شخص حله انا طولت بيه دقيقه فقط بس قال غلط طلعت بالنهايه بدال ماتجمع تطرح شرح السبب ليش
بس المهم كان حلي تمام
بعده اختبرنا بسؤال ثاني حليته بدقيقتين وكتله الناتج قال اشوف انا تاكد هو كلي لا ناتج مالتك خطا بعدي الطلاب بدو يطلعون نفس الناتج الي طلعته بفتره وبعده الاستاذ حل
السؤال وطلع نفس الناتج الي انا طلعته زين ليش كلي خطا ما ادري اجيت اكله يمعود جا مو انا طلعته بس سكتت لان ماكو درجات وما اكو فايده
اختبرنا بسؤال ثالث طويل جدا حليت نصه وفقدت الاهتمام بيه لان شفت روحي الموضوع فهمته 100 100 المن متعب روحي بعد
طبعا صاحبنا شكنا بالنص كل شوي سال الاستاذ الله اكبر عليه عقله يخلط بيه التوازي والتوالي ويسال 1000 سؤال بالمحاضره
اول مره اشوف هيج انسان نحجي عليه وما يحس بالله
المحاضره الثانيه
ميكانيك هندسي
امس كان اول محاضره النا بالميكانيك الهندسي بالكورس الثاني بموضوع الداينمك
الاستاذ قال الموضوع جدا صعب مقارنه بالاستاتيك يعني بشاره زينه بس من حجه عن الموضوع وكتب قوانينه شفته سهل مابيه شي
هي الازاحه تشتقه تطلع سرعه تشتقته تطلع تعجيل وخلص ها اها
بس اليوم من اخذنا وبده بقوانين التكامل والاشتقاقات ودخل قانون بقانون ما هذا بحق الحق صارت دوخه
اعتقد الموضوع حتى يضبط لازم احفظ كم كبير من الكلمات الانكليزيه لان السؤال بهل الموضوع يجب ان يفهم 100 100 اي كلمه ما تفهمه تكون بمنقطه الخطر
كذلك لازم احل اكثر عدد ممكن من الاسئله لان حيل شائك الموضوع
كالعاده صاحبنا الغبي يسئل كومه شكنا بالنص الله اكبر عليك
ابو الكافتيرا هل الايام مجاي يكعد فجاي نضطر نزحف للكافتيرا مال كيمياوي المشكله حتى مابيه حلوات ما يسوى المسافه النقطعه بس علمود ناكل
بس يشهد الله عنده لفات ستيك تكطع
اقراها اقراها هههههه شلون افوووت مغامراتك وماحشش شوي هههههه
رد مع اقتباس
