هنا

[Hani Yaqoub]

السلام عليكم
هذه المدونة او ستكون اشبه بالمدونة والمذكرات لايامي في كلية الهندسة
تجربة جديده في مسيرة حياتي وان شاء الله اكون مثل ما قال الشاعر صديقي
على قدر اهل العزم تاتي العزائم
البيت الثاتي غلست عنه لان بيه دفع فلوس وكذا

هذه المدونه ممله وبدون فائده لا تتعب نفسك بمتابعتها

في حال مخالفة الموضوع لا باس بنقله الى القسم العلمي او المنتدى السياسي او قسم ما وراء الطبيعه

[Hani Yaqoub]

الاسم / هاني يعقوب يوسف ابراهيم محمد
بعد اسم محمد اعتقد اسم احمد رستم بريسم
التحصيل الدراسي السابق / معهد نفط + ادارة واقتصاد
المهنه/ موظف في شركة نفط الجنوب
التحصيل الحالي /
الهندسه قسم الميكانيك

اليوم الاول - الاربعاء
2016/11/23
المحاضره الاولى
مادة العلوم التطبيقيه ( الكيمياء)
كانت مراجعه بسيطه لمادة الكيمياء الي كلشي ما اذكر منه غير كيماء الحب
او هكذا يقال ان الحب هو عمليات كيميائيه بالجسد يمكن هذه الماده راح تخليني افهم الحب اكثر , الاستاذ حيل املنا بالنجاح قال اذا تدرسون من 4 الى 5 ساعات يوميا تنجح
لا بربك .
هذه السنه كلية الهندسه اتبعت نظام الكورسات حاله حال بقية الكليات ومادة العلوم التطبيقيه تتكون من الكورس الاول كيمياء والكورس الثاني الفيزياء .
شاهدت بالكليه بالحديقه قرب العماده كلب وهذا الكلب صفاته صفات الكلب السلوقي
كان يقفز بالحديقه خلف الطير شنو يسوي هنا ماعرف .
من الامور الي ضحكتني المصطبات الي بالكليه مكتوب عليه صناعة الكلية المطصبات تعبانه ليش تفخر الكليه بيه ماعرف

[zeto]

بالتوفبق حب

[Sωeeτ]

شي كلش حلو متابعه

[Sωeeτ]

الشرط الاول متحقق لان الانسان بطبعه يحب الراحه
الشرط الثاني بصفتي عضو ساورد بعض المناسبات
الشرط الثالث المعطوف على الشرط الثاني متحقق لان بالفعل ستكون تجربة لما يحصل , من الممكن ذكر بعض ما يدور بالخلد
ان شاء الله ما ينحذف

[clear]

وعليكم السلام ورحمة الله

يارب موفق يوم نشوفك رائد بمجالك
هاي ورده لأن اجيت ايدي فارغه


تحيتي

[Hani Yaqoub]

بالتوفبق حب

صديقي الطيب
شكرا الك

شي كلش حلو متابعه

صدك واو ههه
بس يمكن تصير ممله
اهلا وسهلا

الشرط الاول متحقق لان الانسان بطبعه يحب الراحه
الشرط الثاني بصفتي عضو ساورد بعض المناسبات
الشرط الثالث المعطوف على الشرط الثاني متحقق لان بالفعل ستكون تجربة لما يحصل , من الممكن ذكر بعض ما يدور بالخلد
ان شاء الله ما ينحذف

دعوه غريب مستجابه

وعليكم السلام ورحمة الله

يارب موفق يوم نشوفك رائد بمجالك
هاي ورده لأن اجيت ايدي فارغه


تحيتي

خو شوفيني هاني بمجالي هههه
تدرين بيه ما احب الورد علويه ههه
شكرا

[اللؤلؤة البيضاء]

مبارك الافتتاح
متابعة

[Hani Yaqoub]

اليوم الثاني - الخميس
2016/11/24

بطريقي لكية الهندسة صعدو وياي 2 شياب من يم الشركه لان كنت بالشركه استلم الراتب
الشياب طلعو من علماء العراق بعلم الشعر واحد يرفع واحد يكبس بالشعر - الابوذيات
تخيلت نفسي بالحج كل شوي واحد يصيح الله الله الله الله الله بس بدون التوحيد
الجميل بالموضوع هو تحليلهم لكل كلمه تذكر بالشعر ليش قاله الشاعر هنا وما يشابه من القصائد
اختص اغلب شعرهم بالصديق
انا وصلت مرحله من التفكير النرجسي حتى طاب شعرهم بالحسين عليه السلام
هنا حسيت بهاي الايه

فبهت الذي كفر

بعده صعد عالم على سبيل النجاة بالشعر عاشق وليس بناطق
ضرب خلايا دماغه شيء بشي فتذكر هذا البيت على سبيل ان ينال اعجابهم


ما كنت أحسب أن الدخن فاكهـة *** حتى نزلت بدار إبن عمـــار
قوم إذا استنبحت الأضياف كلابهم *** قالوا لأمهم بولي على النار

بحث عن الشعر بالنت وجدت فيه اختلافات عديده وابيات اضافيه ذكرت المهم منها.

بالجامعه قلت لصديقي الهندسه لا يعلى عليه احد (كنت اقصد هندسه الكرمه مقارنه بهندسة التقنيه )
فقال الله
قلت له الله خارج المقانه هنا انا اقصد الكليه
قال لكن الله
قلت له اكطع كلام بخير اليس افضل الشهور هي الشهور الحرم
قال الي
قلت اله وشهر رمضان افضل الشهور ام لا
قال افضل
قلت له مع هذا هو مو من الاشهر الحرم
مثل ما رمضان لا يقاس به احد
الله لا يقاس بيه احد انا احجي عن الكليات شجاب الله بالموضوع .

المحاضره الاولى
الرياضيات
الاستاذ ما اجه اخذنا المقرر وبده يسولف عن الجامعه
حتى كانت المفاجئه التي اذهلت الجميع انها الفاكهه المحرمه نعم
بنت
قسم الميكانيك المسائي مابيه بنات
اليوم اجت بنت حظه الفكر جابه ويانا قبلوها الوحيده
المشكله البنت جميله
والمشكله الاخرى راح تبطل تدرس
الاستاذ قال اله شجابج هنا حظج الفكر
الاستاذ قال اقترحت على العميد يجب من كل قسم بنات ثنين يجملن القاعه
لكن الاقتراح باء بالفشل او الف بالفشل ماعرف

[Hani Yaqoub]

مبارك الافتتاح
متابعة

الله يبارك بايمك وعمرك
اهلا ومرحبا وسهلا