عباس
هم شايف انته أخو ينثر دمومه وفه
لو تنتخي أم الحزن طار الها چن عاصفه
هم لا شعر لا نثر يقدر بعد يوصفه
عباس يوسف صدق بس شمرته لحيدره
من حسنه لمّن يمر العيون إله ناظره
بيدينه سيف ورعب والموت والآخره
للمشرعه من دنه الجيش رد لوره
عباس صورة علي بس هم شبه حيدره
عباس لمَّا انولد باسه علي بي فرح
هذا ابني يام الولد قلبي بطلعته انشرح
قبل اچفوه ودمع باوعهم وهم سرح
عباس ظل مبتسم بچفوفه شد حيدره
عباس چان الفجر يسحر عيون البشر
من چان فوق الأرض ماغيره ضوه قمر
حتى الشمس تنعشي لو عالخلايق ظهر
عباس نور النبي لن طه هو حيدره
أبو هيثم
رد مع اقتباس
المشاركة الأصلية كتبت بواسطة مزاجية وكذا
