معجناتي بالعيد .. الجبنيه .. مع فكرة عود الاسنان
مرحبااا ..
من المعجنات اللي جربتها ونالت اعجاب بااااهر هي الجبنيه
طبعا الوصفه اخذتها من المطبخ البغدادي وكالعادة طلعت رائعه
المقادير
كوب طحين
بيضه
ملعقه بيكنك باودر
2 ملعقه كبيره زيت
4 ملعقه كبيره جبن كريمي ( اني استخدمت جبنه اكنور )
الطريقه
نخلط جميع المواد الى ان تصير عجينه قابله للتشكيل
حتى لو تحبين تضيفلها زيت اضافي او طحين المهم تحاولين تعملين منها عجينه لينه نوعا ما
اني خليت زيت اكثر بعدين وايظا طحين الى ان شكلتها
هنا خلطت الطحين مع البيضه
بعدها ضفت كل المواد الاخرى
وحطيت ايظا زيت الهيل لانه خفت لا تصير بيها زنخه من البيضه .. فزيت الهيل يعالجها
هنا صارت العجينه هالشكل
هسه نجي للمرحله اللي تونس وهي التشكيل طبعا تلاحظون هنا علبه ( عيدان الاسنان ) البطريق
فردت نص العجينه بالشيبك وقطعته مساطر بالطول وبديت اخذ شريط واحد واحاول اقرنصه واثبته بالعود حتى يصير هالشكل
وهيجي كملت نص العجينه
هسه النص الثاني من العجينه حاولت اقطعه باشكال مختلفه
كمل هالشكل
هسه صارت عندي نوعين من الاشكال
نبدي هسه نقلي الاشكال على نااار هادئه لانه سرعان ماتتحمر
كملت عندي الجبنيه الحلوة طبعا مذاقها رائع وهشه كلش وطيبه
ويحلى طعمها وي عصير الفراوله
وهنا للي يحبها اكثر حلاوة ( مثلي ) رشيت عليها بودرة السكر
رد مع اقتباس
المشاركة الأصلية كتبت بواسطة شاكر زايد خليف العتابي
