هنا

[تّـفـاَصيلـٓ]

تعنيتك غشيم اشطوط واستاهدت يمك كيش
يكلب الماي يابارد اخذني جفاك
اصيحك صيحة الغركان
واتلثم بخورة مستحى ,,وعكبيش
يالبايع سواليفك .. (شلونك) بيش؟
يمر طرواك وتهندم سوالف بيك
وامر طولين واتمشاك
وانه ادريك ماموجود
واكول تعود!
البروحه شريعه يتاني فزعة جود
مره اصفن
وفرزن ياهو المتانيك؟
ومره اصفن وفرزن يادرب مسدود؟
ماتعرفني حكًك !!
جي رخيص وياك
انا الطاح بشليلك كبل لا ينكال
واتلولح اكبال عيونهم عنكود
انا اكبالك.. اتيه ياطبع يرضيك ؟
واحس بروحي كلشي وكلشي ماحس بيك
اخف وياك واتعدى التفاهه وياك
واتمثكل اعله الخلوني فوك الراس
واغنيلك غنه اهل اليوم
وانه براسي حسافة ياس
من اشوفك جاي ليه بروحي تلتم ناس
وارسم بيه عيدين وعرس معدان
وافور اكهوة بدوي بحظنك البردان
ولو مابيك من سوالف الفنجان
بس اهواك
انه وياك غيمه وكاع
لاموعد يلمنه
ولايطشنه وداع
.
.

[علي الشمري]

الله الله
جميله جداً

[علي الموسوي الموسوي]

جميلة جدا ادامك الله اختا مبدعة

[سعد العراقي راقي*]

وارسم بيه عيدين وعرس معدان

فوق الروعه بكثير
سلمت