هنا

[عٲإډﻟﮯ ٳٱﻟٺﻣﯧﻣﯥ]

شكرا لكم وعلى موضوع كيف عرفت ان الربح مضمون لان المشروع اكو مثله بالسوق...وشفته ربحه ok

[Hani Yaqoub]

شكرا لكم وعلى موضوع كيف عرفت ان الربح مضمون لان المشروع اكو مثله بالسوق...وشفته ربحه ok

حبيبي المشاريع مو هيج تقاس ارباحه
بالتسويق يعرف الانسان
ان العامل اله تاثيره يعني نفس المشروع بنفس المكان بنفس المواصفات فرق العامل اله تاثير كلش جبير طريقة تعاملة اسلوبه خبرته
كذلك شهرة المحل
هسه منتجات ثنين نفس المواصفات مثلا سامسونج وال جي ثنيهن نظام واحد ونفس المواصفات تقريبا بس سمعة سامسونج اله شهره وافضليه
كذلك الموقع
هل من المعقول تفتح بقرب ذاك الشخص يمكن ذاك المشروع موقع ممتاز
كذلك اكو شي اسمه الولاء من قبل الزبون
يعني لو انت فتحت بقرب ذاك هواي زبائن ما تجيك تروح لذاك لان عده ولاء اله
والكثير من الامور لازم تدخل بالحسبان قبل اي مشروع

بهذه المناسبه اذكر الك طرفه
شايف مقامات الاولياء شلونه بيه فلوس من وره تبرعات وهدايا الزائرين
تصدك مره فتح واحد قريب علينا مقام وسماه مقام الخضر بس ما حقق فلوس وعزله هههههه
تحياتي

[نـــائل]

اكو عدة طرق اذكر منها على سبيل المثال:
1- تبوك ( تسرق ) وهي اسرع الطرق لكن بيهة مجازفة شوية.
2- تدين وهي بنفس سرعة الاولى لان اصعب لان لازم اما ترجع الفلوس او تسويلك مشكلة وية ابو الفلوس او تشرد وتعوفة.
3- تقترض من بنك ، واكيد لازم ترجع الفلوس و وياهة فائدة وهذا يدخل بموضوع الربا .
4- تسجل بالعاطلين عن العمل وينطوك 10 ملايين وترجعهن بعد سنتين على شكل دفعات ، بس هاي الطريقة بيهة تاخير ويمكن مينطوك.
5- تتشارك مع شخص عندة فلوس وتتفقون على صيغة بحيث يكون اله نصيب من الربح وبعد فترة اذا امورك صارت زينة ترجعلة فلوسة او تبقون شركاء وثنينكم تستفادون.
6- تسجل على سيارة بالتقسيط وتبيعهة وتستفيد من فلوسهة ومن ربحك تسددها.
7- تتمنى ان يطلعلك ورث .
8- تجَمّع فلوس .

هذا الي كدرت عليه

[Ćat]

تگدر تقترض من بنك بعدين ترجعهن مع الفوائد .. وهذا اسرع حل إذا چان مشروعك مضمون١٠٠٪ حسب قولك.

[Suzana]

اكو عدة طرق اذكر منها على سبيل المثال:
1- تبوك ( تسرق ) وهي اسرع الطرق لكن بيهة مجازفة شوية.
2- تدين وهي بنفس سرعة الاولى لان اصعب لان لازم اما ترجع الفلوس او تسويلك مشكلة وية ابو الفلوس او تشرد وتعوفة.
3- تقترض من بنك ، واكيد لازم ترجع الفلوس و وياهة فائدة وهذا يدخل بموضوع الربا .
4- تسجل بالعاطلين عن العمل وينطوك 10 ملايين وترجعهن بعد سنتين على شكل دفعات ، بس هاي الطريقة بيهة تاخير ويمكن مينطوك.
5- تتشارك مع شخص عندة فلوس وتتفقون على صيغة بحيث يكون اله نصيب من الربح وبعد فترة اذا امورك صارت زينة ترجعلة فلوسة او تبقون شركاء وثنينكم تستفادون.
6- تسجل على سيارة بالتقسيط وتبيعهة وتستفيد من فلوسهة ومن ربحك تسددها.
7- تتمنى ان يطلعلك ورث .
8- تجَمّع فلوس .

هذا الي كدرت عليه

ههههه عاشت ايدك احلى شي الاخيرة مال تجمع افلوس يعني يموت ومايسوي مشروعه...يله بالتوفيق اعيوني عادل

[انسان ثاني]

اخوية الغالي حياك الله
اولاً لازم تسوي دراسة جدوى ,,, حتى تكَدر تعرضها على اصحاب المال ومن خلالها يتم التفاهم على صيغة او الية الشراكة
اما بالنسبة كيف تستحصل المال عندك عدة طُرق ...
1 _ قرض من البنكَ الزراعي اعتقد تصل قيمة القرض الى 98,000,000 د ع ,,, ومابيها اي فوائد في التسديد
2 _ تقديم على قرض بضمان مُعين من البنوك الاسلامية ,,, ولكن خلي ببالك البنكَ الاسلامي ياخذ اضعاف الربا بحجة هو دا يلكَالها حل شرعي ^_*
3 _ القرض من البنوكَ الاستثمارية مثلا بنكَ عودة او غيرة من البنوكَ الغير حكومية
4 _ سمعت في فترة ما ان احمد الصادق صاحبة مجموعة الصادق كَروب و عصام الاسدي رجل الاعمال العراقي ,,, مسوين مشاريع تمويل لدعم الشباب ,,, تكَدر تستفسر بنفسك عن هذه الامور و تاخذ الخبر اليقين
5 _ تكَدر تسوي حساب بـ ميتا تريدر فوكس (الحقيقي) و تظارب بالاسهم المالية ,,, انطيك مثال بسيط اني سويتة ,,, في فترة ما كان عندي 1000$ ما محتاجهن وكنت في الاردن ,,, نصحني عمي كَال افتح بيهن حساب في احد البنوك الذي عندة تعامل مع ميتا تريدر و استثمرهن بالمظاربة ,,, خلال اول شهر سويتهن اكثر من 10,000$ ,,, بس تدري الطمع مو زين كَمت ادخل بصفقات جنونية او بمعنى اصح مُقامرة لان الي يفتهم ما يظارب بـ اكثر من 10% من مجموع رأس مالة ,,, بس اخوك ظارب بـ كل رصيدة بصفقة شراء الين الياباني و تحويلة الى يورو وخسرت كل الفلوس الي في وقتها قاربت مبلغ 20,000$ هههه ,,, فـ اذا جان الك خلكَ تدخل بهيج مشاريع اني اشجعك عليها و اعلمك شنو تسوي خطوة بخطوة
6 _ اذا كان الك سجين سياسي او شهيد قرابة درجة اولى اتوقع ينطوك اكثر من 100,000,000 د ع


هذا كل الي اكَدر اخدمك بي و ربي يوفقك ياغالي