عاشت ايدكالمشاركة الأصلية كتبت بواسطة Kira
اني بفترة تطبيقي دخلت واني اعرف تقريبا نفسيات الطلاب لان اني جنت طالب مثلهم لهذا اعرف اغلب
الي يفكرون بيه اظافة الى اني تعرفت على الكثير من النفسيات خلال دراستي بكلية التربية فكان كلامي
معهم اخلاقي و ديني و اجتماعي و تربوي نصحتهم من كل النواحي بس ما فاد وصلت لقناعة انه مهما
حجيت و وعضت و تكلمت وردت ما راح يتغير شي لان اسس التغير تبدي من البيت الاسرة و الي هيه
الاب و الام هم اساس المشكلة لان هم تربيتهم خطأ ما غارسين اسس اسلامية و تربوية صحيحة باولادهم
و بناتهم مع العلم انه اني كنت بكل درس اكتب مقولة لاهل البيت و اذكرهم باخلاق اهل البيت و لازم نقتدي
بهاي الاخلاق بس ماكو فائدة لان مثل ما كلت انه المشكلة اسرية ( الاب و الام ) تربيتهم مو صحيحة اني
الي عليه سويته اتجاه ربي و نفسي و المجتمع و ما يمليه عليه منصبي كمدرس اولا كمربي تربوي وبعده
كمدرس للمادة .... طبعا كلتلهم خلي نكسر حواجز الاستاذ و الطالب و نصير اصدقاء البعض استغل هذا شي
استغلال صحيح و البعض للاسف استغل هذا الشي بشكل خاطئ فعتبره ينم عن الضعف و تصرف تصرفات
مشينه ...المهم من كلامي الي يطبق كمدرس خلي يسوي الي عليه و يخلي الله بين عيونه يدرس عدل
و ينصف بين الطلاب و ما يفرق و ينصح ويحاول كل الطرق اذا ما فاد فهذه مو مشكلتة مشكلة التربية
يمكن اني تكلمت هواي بس موضوعج وكع على الجرح لهذه حبيت اتكلم بالي يدور بعقلي و اسف على
الاطالة وقبل ان اختم اكول ترى كلامي هذا ما يطبق على كل الطلاب فقط من لا يمتلك اسرة تربوية صحية
تغرس بيه قيم صحيحة و نتمنى من الله ان تكون التربية فعلية مو بس لبس و اكل و انما مراقبة و محاسبة
للاولاد و للبنات
اسف على الاطالة
تحياتي
وفعلا اذا الاساس اعوج شلون نتوقع يطلع البناء عدل وماينهدم ومايفيد التركيع من تالي
الاهل بالدرجه الاولى يتولون مسؤولية التربيه ثم المدرسه خو المدرسه ماتكعد تراقب وتعلم 24 ساعه
شكرا لحضورك الرائع
رد مع اقتباس
ما اريد الطبيه
ردج