يخجل بشعرك كل مكص
اصلك لكيناه بالقصص
ناس التكرهك والله احس متعافية
ناس التكرهك والله احس متعافية
يالمرتب اتكلب وانت خصرك سيف
تضوي وحاجبك.مصدر جم اهلال
بصغرك جنت وحدك جيل كامل بيك
تللعب بينه زحمة وتللعب ويه اطفال
يشارب صحت الناس التفكر بيك
فكر بينا كافي اتبهذل انت الحال
كلها تريد ثار براسي الف مكتول
كلها تروح من شخصك يمر علـبال
ميل براحتك غير انت جنك ميل
تميل عيونا شما خصر طولك مال
كد ما ينسأل عن بيتك المسكين
جيرانك تخبل من وراك وشال
مو بس انه اخدر والله كلنا نطيح
اذا ترمش عيونك والدمع لو سال
يشالع كَلبي اشلع.كلشي مني تريد
سهلة كَبال عينك لو بجة الرجال
مهرة شفايفك بس مهرة بت بيوت
تربات الشرف ميكضها اي خيال
بصبع ركبتك محبس خرزته السان
زراك البية يكتل بالقصص ينكال
يقرالك شعر من تمر ما يلكوه
السياب ويريت السياب مو تمثال
يتربات الورد حسنك فراشة يصير
جسمك بالورد كد ما ترف ينشال
مثل موع الشمع لو شفت شمس تموع
جلدك لو عرك يبجي الجبل شلال
من اغربل ضحكتك توكع عيون الناس
برائة ضحكتك مابيه ذر انخال
يالمخذ الاول انت ع حلوين
دومك بالبطول اعلة الجتف تنشال
يالمخدر بطولك ناس اليصلون
هضيمة شفايفك منه العسل لو سال
بس بيك.السوالف تحلة عكس الناس
بيهن معنى بشفافك القيل وقال
تعزف مستحة.نكلت جدامك عود
نسلطن عله جداكم من تحط خلخال
ضوجني بعد يمخجل العريس
وانزع.مستحاك بحضني خضر شال
رد مع اقتباس
المشاركة الأصلية كتبت بواسطة علي الموسوي الموسوي
