البارحه حدود الساعه 2 ليلا اسمع صوت كلب كأنه يمي نظرت الى باب المكتب شفت حيوان ضخم كأنه اسد سبحان الله الخوف خلاني أتخيله بهل المظهر لو هيئته هل شكل ما ادري المهم مبقت عندي رجلين اكدر اوكف عليهن والدم تجمد بجسمي حاولت بكل قواي ان اصل للباب واقفله حتى لا يجعلني وجبة دسمه لجوعه بعد هذا الاجراء اتصلت بصديقي علاء حتى يساعدني للخروج من هذا الموقف واذهب لبيتي لان الوقت تاخر جدا فكالعاده الرد الالي ( الجهاز مغلق او خارج التغطية ) لا حبيبي مو خارج التغطيه الجهاز مغلق ففكرت بعدة اصدقاء لنخوتهم فوقع الاختيار على صديقي حمودي بعد ان رن الهاتف طويلا جاء صوت صديقي الناعس الغاط بنومه ها شتريد فكتله على عجاله من خوفي : حمودي الكلب بالباب
حمودي : هاي شبيك جاسم اولا اني مو كلب وثانيا نايم بالبيت
اني : لالالا حمودي كلب اسد اباب المكتب راح يكسر الجام ويدخل عليه
حمودي : شنو انت مصخن لو مستبرد خويه اتغطه زين
اني : حمودي مو اشاقه والله الموقف متتمناه لعدوك
حمودي : وهسه شسويلك
اني : تعال خلصني
حمودي : شلكيتني قابل اني مروض حيوانات ابقه للصبح بالكي يروح وانت شعندك باقي لهسه بالمكتب حيل وتستاهل ولو اني منه جان هسه طبيتلك وسوتك لكمه وحده
اني : هاي شبيك همزين انت مو كلب
عفته وكان عندي مسواك للبيت من ضمن المسواك دجاج ذبيت وحده من الدجاجات للكلب حتى يكرمني بسكوته واتصلت بصديق ثاني ولو ايست من الحلول كون صديقي الثاني هم حمودي
المهم اتصلت بي والولد جاوبني بصدر رحب
اني : هلو حموداتي
حمودي مستغرب من حموداتي : ها .. هلو هلو حبيبي شلونك
اني : اني زين ... حمودي حبيبي اباب المكتب كلب ضخم ما ادري هو احتمال اسد بس يحجي مثل الكلب
حمودي : شبي ؟
اني : حمودي تعال خلصني منه
حمودي : عوفه هو الصبح يروح
اني : حمودي اريده يروح حتى أروح للبيت هسه أني انطيته دجاجه من الباب الثاني اكله وباقي مكابلني
حمودي : أي هايهي بعد صار صديقك اطلع عادي بدون خوف ... وكام يحجيلي على وفاء الكلب
اني : ادري حبيبي حمودي الكلب وفي بس اني حتى من الوفي مرات أخاف لان هذا شكله ابد مو مهضوم وبلمناسبه اني منطيته الدجاجه حبا بي من خوفي واريده يكرمني يسكت
تاريخ القصة 14/11/2016
الساعة الثانية ليلا
الحلقة الثانيه للاحداث اضغط على الرابط ادناه
https://www.dorar-aliraq.net/showthr...00#post5207100
رد مع اقتباس
المشاركة الأصلية كتبت بواسطة om alzoz
