قصيدة مصاحف أربعة - الحاج باسم الكربلائي (مكتوبة )
مصاحف أربعة
كلمات الشاعر سيد عبد الخالق المحنة
الحاج الملا باسم الکربلائي
**********************************
بالگبور

مصاحف أربعة
يرتلون كتاب المشرعه
عله گبر الوفيه
لبوفاضل تحيه
*** *** ***
بالگبور يرتلون أربعة ائمه قصة الكافل
يذكرون كرامات بدر العشيره والله يستاهل
يعلنون والاخبار من البقيع انطو خبر عاجل
يريدون يحولون يوم البقيع ابأسم ابوفاضل
يعباس گبر ام الوفه
يعباس حسينيه الصفه
نعو ابهالمسيه
لبوفاضل تحيه
*** *** ***
يحظرون يواسون وام البنين اتشاهد الدمعه
يوافون لبو الجود محله گبره ومحله هالجمعه
ينوحون يلطمون كلهم سويه والحسن ينعه
الحسن گال تعرفون ابچو اعله عمكم تحضر البضعه
اذا صار عزاء ابهالمسه
بالأخبار تجي خير النسه
تجب امنه الزچيه
لبوفاضل تحيه
*** *** ***
ميامين ينوحون دم ع الشريعه وهُمه يبچوه
يويلاه ع الماي راعي الكفاله اچفوفه گطعوه
يعرفون اجت ليه زينب تنادي الخيمه حرگوه
يكفال ترى الحال انا اسيره وسكنه سلبوه
دمع سال ع طاري الخدر
يحسون فعل سوط الشمر
حچه دمع السبيه
لبوفاضل تحيه
*** *** ***
يذكرون تفاصيل يوم الشريعه والحصل بيها
يسمعون روايات زين العباد وابنه يرويها
يشرحون معانات أم الخدر من گصدت اعليها
تنادی يخب ليش اختک تصيح وماتحاچيها
اجت ليه هوت يمه وتون
يخيی شوف دمه يجری المتن
ترى وصت رقيه
لبوفاضل تحيه
*** *** ***
والمصاب ع حسين يمه النهر من انكسر ظهره
يناديه يروای اگعد يخويه اسكينه منتظره
انا اوحيد بلياک بعدک اخيک ينگطع نحره
تمنيت الک عين تنظر حبيبک ينسحگ صدره
الک روح تشاهد ذبحتی
والسيوف تگطع جثتی
بچة الغاضريه
لبوفاضل تحيه
*** *** ***
من ابعيد اجه صوت آنی الزچيه الهضمتی هضمه
يالولاد لاتنسون حال الرضيع المارجع لمُه
يريد مای يمد ايد حسباله مای اليجری مو دمه
يويلاه والف آه طاحت رگبته ابحضن ابواليمه
والعيون مشن صوب النهر
اضن صاح يعمی یلگمر
حچه گبل المنيه
لبوفاضل تحيه
*** *** ***
بعد گول شنو صار جعفر سأل والباقر ايخبره
اكو اطفال يركضون بس الوجوه امن الخطر صفره
يحشمون يصيحون اگعد يعمی ابداعت الزهره
طفل نام عله ايمين والثانی يبچی و شابگ اليسره
اجيناک نلوذ امن الخطر
سئلناک يعم وين المفر
مشه راعي الحميه
لبوفاضل تحيه
*** *** ***
بعد گال عله النوگ العيله طلبت تنزل ازوره
يسألون يعتبون شفت الحرايم كله مذكوره
والانذال بالاسياط كلمن لزم سوط واخذ دوره
يندبون بالگلوب مثل البقيع الهدمو اگبوره
والگبور ع الشط تعتني
والگبور اضن ماتنبني
حده حادي الرزيه
لبوفاضل تحيه
:::::::::::::::::::::::::::::::::::::::::::::::::: :::::::::::::::::::::::::::::::::
:::::::::::::::::::::::::::::::::::::::::::::::::: ::::::::::::::::::::::::::::::::::::::
تحميل بصيغة mp3
اضغط هنااااااا