هذه القـــــصيدة ليس ردا على الجبــــــل العــــــراقي الشامخ
......................(عريان السيد خلف)...................
ولكن موضوع القصيدة يمثل رسالة يجب تكملته في كل زمن
مامش ناس
وحدك ادري وحدك والعمر جندوب
.......................تكظيه بـــــحزن ومرادف الوسواس
ذبل عودك امس من غير ضجة وصوت
......................وبتشيــــــعك انت ابلهفة اجاك الياس
لاواهس تجف ولا ريحلك كيف
.........................غيـــر اتلاثة ضلن ذني بهن ساس
الجكارة وي النفس ومعاكب الجلمات
..................وبعد ضلت وحيدة اشيحوي بطن الكاس
..................مامش ناس
وحدك ادري وحدك داهماك الليل
.....................وانت ولاابــــالي بصحوة مو بنعاس
لا ريلك عبر وتعده ذاك الصـــوب
......................يبجــــــــيلك حمد جي ما يونلك ياس
......................مامش ناس
وحدك منولد من فطر هاي الكاع
.......................مثل عيسى نبي ومعجزة لكل الناس
وحدك منكسر وادري الكنيسة اطيح
.....................وادري اتموت غفلة بسكتت الاجراس
......................مامش ناس
لو دورت حظك بين هذا وذاك
......................تلــــــــكاه عد ردي وبكل وكت ينداس
تلكاه عد بشر مايدري دربة منين
........................تايه وادري بي ماعنده ذرة احساس
.....................مامش ناس
تترجة الكلف وتعاتب اهل الجود
.......................وتتـــــــــا ل الكلمة الطيبة والنوماس
تنام اعلة الفشك وتشهم هو البارود
........................ناس اتلعـــــثمت وتكدر التـــــــــرباس
كلها اتغيرت والحال اسوء حـــــــال
........................اظن مصيـــــــوبة شارة بشارة العباس
......................مامش ناس
تلكالك اهدان ايشيل بيدة السيف
.........................ومـــــيميز الدركة من الدرع والطاس
(ابو الطيب )كبل عالسيف حاجي اهواي
........................ومن مات بجبن خلف الله عالحــــــراس
اكلك بس جذب ما شال بيد السيف
........................بس شـــــــــــال بحياته القلم والقرطاس
.....................مامش ناس
خلكك موخلك حكي انه ادوخن بيه
.........................لاخلكـــــــ شمــــس جن مورة ماتنجاس
اذا اصل الشمس محد وصلها ابيوم
.........................ايمـــــــوع ابمجانه الوصل يمها وبـــــاس
واذا غابت شمس ونساب اصل الضوء
..........................لاقيــــمة وذهول ابلمعة من المـــــــــاس
لتفرهد كمر وتيـــــــــتم انت انجـــــوم
.........................لاتنــــــــ د ولاتحـــــــــصى ولاتـــــنــــقاس
ياصاحب النــــخوة والبــــــخت شكبان
..........................مــــن ينشــــك علـــــــج بحلوك كل الناس
.......................مامش ناس
لاغيــــــــرة عــــــرب لاهــــــدة من معدان
............................تلحــــــكل ي وصفي اعضام وسط اجياس
عرايا اتكشفن وادري امهاتي اشراف
..............................مو حكك رماد وهــــــــــــام من تنجاس
.......................مامش ناس
وحــــــدك جن جذر مدفون حدر الكاع
.,.............................وتلــــــ ــوم النــــدى جي ليك ابد ماداس
وحدك دلة تركــــــــع دوم للفنجـــــــان
...............................وماكـــــ ـلك مذلة الدلــــــة تحني الراس
ولا ذلة خواطر من يمرنــــه الضيف
................................ضـــيفك شو تكــــــرمة بشهكت الانفاس
ماحنيت ابد ولا رجعتلي ايــــــــــــام
................................تــــــــ ذكر جنة نطفى بشمع خضر الياس
ايا ليل المعاتب كافي ماملــــــــــيت
................................مـــو صرت الجدار وانت بيدك فـــــــــاس
........................مـــــــــــا مــــــــــــ ـش نـــــــــــاس ......................
رد مع اقتباس
.