عليمن نختلف والواهس ايموت
وعليمن نختلف ماشبعت ابطون
وليش الضحكة ماتت وانتهى العيد
وكلي ليا ذنب ناس اليمــــوتون
وكلي لياسبب تتتيتم اطفــــــــــــال
البراءة ابلا براءة اشلون قانون
وقديمة اتيتمت كلناها الاطفــــال
يتمنة المراجح واليلعـــــــــبون
طبع بيها الحياية اتعيش بالزور
مطلوبة جتل من تلكي اشلــــون
عيشتها ابرعب بس لوما الاعشاب
ما تنزع جلدها ابيت مســــكون
وترة روح السفينة بدفع الاشراع
والملاح وي الريح مجنـــــــون
اذا كلها طغت صارت ملاليــــــح
يعني ابلا جدال الكل يغركـــون
ولتحط ايد ابأيد اليجافـــــــــــوك
بس خــــلص العندك وك يولون
وابد لدير ضهرك ساعة وداع
يومية البــشر للموت يمشــــون
ولاتتبع مهر من غير خيــــال
خاف اتـــيه واحبابك يبـــــعدون
ولاتتـــــرك اثر لو اجرمت يوم
بــــــــاجر بالحكم كلهم ينطقون
ولاتبقى شمع باعياد ميـــــلاد
تبقى اشما يطفونك يشعــــلون
اذن راس الرمح بكتار الضلوع
اتــــــــــوجة علية وانه ممنــون
علي صاير صكر ماتنزل بساع
الصكورة اشما علت لابد يوجون
وانزلها الصكور بحيلة الجوع
ارنــــــــب لو صرت كلهم ينزلون
مثل جال الزرع من يعلة عل كاع
يجي يوم المناجل بي يحصـــــدون
ترة طبع الغصن اعوج بالاشجار
يظل اعوج بخت لو ثمرة زيتـــــون
لتكلي الخلل بية اعترف ليش
الخلل لا بالضماير حيل ينســــون
ولتجعبن علي وبغير تنفـــــيذ
تراويني الزرع بس بي تحـــركون
ولتهوبز علي والصوف مغزول
موش انت الغزلتة اهلي اليغزلون
لكل عاشك وطن وتلمة حيطان
والحيطان طاحت وين يرحــــــــون
ويا عصاة موسى اشعندج وياي
صرت بخاطرج جا انه فرعـــــــــون
.......................................
محــــجب بالمـــــراجل ليش فرعون
ويعون الردتة كلي اشلون فر عون
صرت موسى وهواكم صار فرعون
بس عصاتي باكوهة من ادية
رد مع اقتباس