ذكرتج رجف كلبي وفكري بيج احتار
......................والرصيف اسمعتة أن وخنكتة العبرة
بحجاية الكلب لو ردت اصبرة اعليج
.....................تعقـــليها الرصيف احــجايتي اصبرة
انه بعدج يتيم وعيد ربج جااااأأأأاي
.....................تعاي وخلي جيتج تنحسب فـــــــطرة
انه احتاريت بامري وحرت هم بثنين
....................حنانــــــج والبعـــــــد بيـــناتهن ثغرة
جرة ماي هجرج هجرة مال اســـلام
..................وعلى صحرة اجروحي انكسرة الجرة
شيطاني اعتكف راهب شعر مو دين
..................اجة بهيئة قصيدة اعليج ظل يــــــقرة
واجيتي براس شاعر جن قصيدة بليل
...................لظــــــــم لاظم احساسة بخيط وبأبرة
لذلك علمنصة وصاح صيحة شوك
...................تعاي بداعتي لا والهــــــــــــجر اقرة
عشت انه وخيالج عشرة مال احباب
...................وحضن صورتج وتخيلج عــــــــــذرة
واشم عطرج واحسة بكل مكان وياي
...................واجذب روحي واقنع روحي بالفكرة
واكول اشجاب عطرج يل مشيتي بعيد
...................معـــقولة انتي يمي وريحتــــــج تبرة
دخيلج والشوارع صنتة كلها اعليج
...................حــضر تجوال صبح بيها فـــــــد مرة
وانه اجروحي ناس وحيل مزدحمين
....................وكلها اتريد تطلع تنــــــــتفــض برة
وبقيت انه بسكتي وانه اجروحي وياي
...................سكــــتلج مثــــــــل ماساكتة الصخرة
عزت نفسي حيل اتمرمرت بجفــــاج
.................ونفس ريتي بوداعج بعد مـــــــــاجــرة
يادمعت وداع ونغم صوت النـــــاي
.................يعزفلج تعـــــاي بداعــــــت الفـــــــقرة
ضحكتي وكبريــــائي اتيتمن بجفـــاج
..................ربتهن مشاعر نارهــــــن كبـــــــــرى
يقيني ايكلي ثق اتعود بس ابجاي
..................سكة بيه الحنين وخضرت شجـــــــرة
ربيع امشابكج احلم يمرني بطيف
...................ويمر بيه الربيع وشبكتج صفـــــــرة
حبل المشنقة لــــفيتة انه بجفاج
...................واكو شمات سمعو جهزو حفـــــــرة
لا صاحو علي لاكالو انت اشبيك
....................لاكـــــالو تمـــــوت الغيها هــل فكرة
ركبت الصعبة لجلج هلبت اتحسين
..................وهلــــبت من صدك وجيبج العــــشرة
رد مع اقتباس
