أبو محتاج!
محتاج مثلك (علي) مااريدن اهل الفيل
ومحتاج تمطر علم مو تمطر ابسجيل
ومن فكرت يا شعب
مستقبلك بي تعب
عقلي وگلبي لعب
حرب ودمار وقتل وشلون يطلع جيل؟!
محتاج واهس طفل وتگول طفل الصين
لو حل من المدرسه مايركض اعله الطين !
ومن زغره واعي وفكر واخلاق عنده ودين
ولوجاع يقره اكتاب
لويسمع الزرياب
ويسأل منو السياب لامو منو استالين
محتاج طيبة گلب مزروعه بين الناس
وياريت كل البشر مافاقده الاحساس
واتمنه اشوف الورد ينشم ولا ينداس
وترد سوالف امس
حب ومحنه وهمس
وتطلع علينه الشمس وچف الصدگ ينباس
محتاج صاحب اخوا بس كون الي محتاج
مااريده كلّش نبي ولااريده هم حجاج
ولوصار مرّه ملك
افرح يصير الملك
لكن يهم بالشعب لامو يهم بالتاج
ثاريني عايش حلم ومن واقعي منهزم
وضحكوا علي للعلم وطلقوا عليه اسم
سموّني ابو محتاج .. من كثر ما محتاج
للشاعر ضرغام العراقي
رد مع اقتباس
المشاركة الأصلية كتبت بواسطة Snow Girl
