هنا

[الشاعر عبد الله الركابي]

جديدي... للحسين (ع)والعراق
##############




ماحظه الماي بشرف يسقي الحسين

ما الومنه الفرات وغيرته ماشالته
ليش من جاك الكمر يطلبله ماي
كون جرفينك تصير ابخيمته
يكدر العباس يرويهه العيال
ويكدر الزينب يوصل جربته
بس اخوه احسين عطشان وذبيح
شلون يشرب مارضتله غيرته
لوعة الاطفال تكتل يافرات
المايموت ابسيف مات ابعطشته
قلت الغيره ابوكتهه من الرجال
والحيه اكصصهم يزينب نزعته
لاتلومين العرب من هاجموج
هسه شمر العصر عاد ابهجمته
وهمه نفس الكاتبو اقدم حسين
همه يردون الخراب الكبته
فزعت على عراق ابو اليمه الجيوش
وعاد جيش ابرهه عدنه ابحملته
نفس حقده ونفس فعله ومبتغاه
بس فرق مابين سيفه وطلقته
قري عينج يم علي يخسه الطغاة
كبر اخوج احسين عالي ابهيبته
وخيمتج صارت ضريح الشرفاء
فرض للشيعه زيارة حضرته
خلهم يعادون ميتين الضمير
وين همه من الكفيل وشارته
بقلمي...الركابي

[علي الشمري]

احسنت
لكن ملاحظة فقط اعتقد ان البيت الاول يختلف وزنه عن البقيه
تقبل مداخلتي

[الشاعر عبد الله الركابي]

شكرا لمداخلتك الجميله احب ان اوضح
1...هناك شعراء يستعملون في القصيده البيتين الاولين صدرين اي البيتين فيهما قافيه واحده ثم ينزل صدر وعجر
2...قصيدتي بدات صدر وعجر راسا
تقبل تحياتي
شرفني حظورك الراقي