هنا

[باقر الربيعي]

اكلكم شباب بنات اريد شعر شعبي عراقي قوي عن الامام الحسن (ع)
لان هوة اكثر واحد انظلم
واحنه ما نذكرة دائما بس مرة بالسنة .....
اريد بسرعه تجاوبوني وشكراًًً..........ًًًًًًًًًًًً ً ًًًًًًًًًًًًًًًًًًًًًًًًً ًًًًًًًًالامام الحسن ًًًًًًًًًًًًًًًًًًًًًًًًً ًًًًًًًًًًًًًًًًًًًًًًًًً ًًًًًًًًً ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ ٍٍٍقدوة لناٍٍٍٍٍٍٍٍٍٍٍٍٍٍٍٍٍٍٍٍٍٍ ٍٍٍٍٍٍٍٍٍٍ

[عٲإډﻟﮯ ٳٱﻟٺﻣﯧﻣﯥ]

http://dorar.at/t/685581 نقلته

[★ نـجـمــــة شـتـــــاء ★]

عگب چبد الحسن والآلآم طشتـاه

الوكت طشانه وآذت حيل طشتــاه

چم طفل إبحرگ الخيام طش تـــاه

چم طفل إنسحگ بخيول آميـــــــــة


......................................


عنك كيف ما خذني ولاإنســـــــــه

وجن الكون ما صدني ولاأنســــه

سم الچـبد ما أنسه ولاأنســــــــه

گـبــر الهـدِّمــوه يبن الـزچــيـــــــة


......................................


يمن حبَّـك حـرز ليـه أو وشمـلــي

عـلى مصابك شريد إكتب وشملي

تـشـتـت شـملك إبــسـمـك وشملي

گـبـل شملك يشت ريته الـمـسـيـــة


.......................................


عـگـب نورك ترانه اليوم نـعـشـه

وصعب يوم المصيبة بنوح نعشـه

مـثـلـك ياقـتـيـل إنصــاب نـعـشــه

وبسهام إنـرمـه بوكـت المـنـــيــــة


.......................................


يبحــر البلــكــرم فايض والأحسان

مثلك ما شفت أفضـــل ولا أحسان

إلك آ يا الحســن حبي ولحــسيـــن

حــرارة بگـلـبي يـا روح الزچــيــه

[★ نـجـمــــة شـتـــــاء ★]

http://dorar.at/t/685581 نقلته

للامام علي عليه السلام
هوه يريد للحسن عليه السلام

[★ نـجـمــــة شـتـــــاء ★]

حزني على ذآك الحسن
لآ قبة إله ولآ صحن
قبره المهدم يُزآر
من خلف الأسوآر
وسيرته حياً وميتاً مملوءة بالمحن
‏سلام الله على الشهيد
التي تجآسرت على جنآزته السّهآم

[★ نـجـمــــة شـتـــــاء ★]

هاليوم الحسن مسموم
ـــــــــــــــــــــــــ ـــــــــــــــــــــــــ ـــــــــــــــــــ
هاليوم الحسن مسموم == سامره إبحزن وإهموم
غريب العسكري وإنصاب == دليله إمن السموم إنعاب
سامره إبحزن وإهموم
ـــــــــــــــــــــــــ ــــــــــــــــــــ
عزوا المصطفه والمرتضه الكرار == عزوا المصطفه والمهدي ياأحرار
مسموم الحسن هاليوم نجمه غار == مولانه قضه الأزهر غريب الدار
نبعه هاشميه إو راح == من عنده العطر فوّاح
أبو إمحمد جفانه إو غاب == دليله إمن السموم إنعاب
ــــــــ
أبو المهدي إمام إو خير يبراله == والزاير إله محظوظ هنياله
بني العباس ظلموه إو غدر ناله == مسموم الحسن وإينازع إبحاله
إنهضْ ياولينه إو شوف == أصبح هالحقد مكشوف
مو ذوله الكفر أذناب == دليله إمن السموم إنعاب
ـــــــــــ
مو ذوله الكفر أذناب للما ضين == نفسهم حرقوا الصيوان من إحسين
نفسهم عصروا الزهراء يوم البين == إجوا هاليوم هِدْمَوا قبة الطيبين
تفجير إو ظلم وأحقاد == تكفير إو ذبح ينعاد
مِتْعَلمين عالأرهاب == دليله إمن السموم إنعاب
ــــــــــ
نروح إوياك يلمهدي لسامره == عزانه إنقيمه يم العسكري إبحسره
ننادي يامحمد ياأبو الزهره == حقدوا يانبي الفجّار عالعتره
قتل بالسيف والسم صار == لهل بيتك يبو الأبرار
كسروا للهُدَه الأبواب == دليله إمن السموم إنعاب
ــــــــــــ
بسم الدين فجرونه إو بقينه إنسير == ما همنه يغايب منهم التفجير
بسم الدين ذبحونه إو بقينه إنشير == إلك يامنقذ الأمه إو إمام الخير
نكول إنتَ التِعَدْل الميل == يبو صالح لفانه الليل
فقدوه الحسن أحباب == دليله إمن السموم إنعاب
ـــــــــ
حَسَنّه العسكري مسموم والينه == كوكب من كواكب بيت هادينه
إحنه شيعتك ياغايب إو جينه == إنهضر سيدي إو إقبلْ تعازينه
نصيح إبصوت يلمجروح == صبُر ما ظل بعد بالروح
كُل حق من وراه طُلاّب == دليله إمن السموم إنعاب

[ســـــجـــــودي ﹩ʝ☹]

ماوصل شيعي أمس يدفن حسين
و طلعت الأعراب سكته ودفنته

وهسه كل الناس تبجي له وتنوح
ومن شمال الصين وادم زارته

يالتزور حسين إصبر لاتزور
إقره ليش حسين قامت ثورته

حتى من تنزل دمعتك عالحسين
تعرف شكَد الثواب بدمعته

تدري ليش الميت ايعصره القبر؟
وتدري شيصيح القبر في ميته؟

خاف حابس دمعة في حق الحسين
اليوم تطلع من ظفر سبابته

وحتى تعرف منك شرايد حسين
مو تزوره وأنت جاهل غايته

حسين رايد روح تنهض بالضريح
مو تحط دينار ماهو بحاجته

روح علك كلبك اباب الحسين
وشيل كل هذا الذهب من حضرته

حسين مامحتاج عا لقبة ذهب
الذهب محتاجه راح إلقبته

والناس لو تدري الذهب قصد الحسين
جان مانصرت يزيد وخانته

وياهو كَال الشيعة فقدت جم حسين
وياهو كَال هوايه وادم تبعته

صاح صوت امن السما بمقتل حسين
وبعده لسه يصيح محد سكته

من ذبحتوا حسين بكيتوا الشمس
بس خيال حسين يشتم الهوى

ومن بكت عين الشمس ضوّة ظلام
وكلشي صار اخيال واحسين الضوى

أقنعتكم كلها طيحها الحسين
الثورة ماخلت وجه ما كشفته

وحرتوا شتلّبسون سيدكم يزيد
وهيّ كل الشيعه عرفت صورته

ومن فضحكم نور سيدنا الٌحسين
سيوفكم للراس راحت كَصته

وتا لي حرتوا ماطفه راس الحٌسين
وفوق راس حسين ضوّت جثته

ومن فشلكم شلتوا راسه إعله الرماح
وكَلتوا راس حسين نزلت قيمته

ما تنزله رماحكم راس الحسين
با لعكس عا لروس كلهن علٌته

ثبتت الكفار فوزك ياحسين
والجرى بصفين بالطف عادته

بس فرق شلٌت يزيد بكربلاء
ما لكَت قرآن, راسك شا لته

وبقت جثته حسين تضوي إعله التراب
وانتقل نور الحٌسين بتربته

وهسٌه كلمن يسجد بتربة حٌسين
تنزل الجنٌة تختمه بكَصته

وإنتوا بيكم بينّت شارت حٌسين
وماعلينه شلون بيّن شارته

المهم فوزين فزنا إحنا بحٌسين
فوز حبٌه وفوز فضل زيارته

الله يحسب حجة وحدة بكل سنة
للسبع مرات طايف كعبته

وإحنا لو رحنا مشي نزور الحسين
نمشي كل خطوة تعادل حجته

ويبقى صابغنه السواد إعله الحسين
ونبقى للميعاد نذكر ثورته
تحياتي