ظمني جلمه
اطرز اجتاف اللسان
ظمني سالوفةعشك وكت الحنان
وكتي غابه
يضيع بيه المالكه حب وحنان
غطني بهدومك اخاف
الدنيه عوز
وبيهه ناقوس الفكر طورش اذان
خلني ساكت
كلبي مقهور ويكابر مستحاه
الشور لفلوس الشباعه
واليجوع ايصير نار الجوعاه
وغصب والله انعجدت اجتاف اللسان
جوع عدنه
وموت عدنه
وعدنه ام الفاجده تلاوي الزمان
عدنه عوز الضحكه حسره
الكشخه حسره
الثوب حسره
لاتلومه العضه وكته وركع ثوبه من الردان
ضمني اشراع العبرتك لاتخاف
مانخاني الاذ بيه ودنكيت
سني يضحك للمصايب مابجيت
لاتامن هلوكت
دنيه وكحه ادنك تبوس الجبان
اختلف كلشي
الصدك عدنه يصير عيب
جلمة الحك تستحي بحلك النجيب
ابو البيت ايصير ضيف ويامر اعليه الغريب
وضعنه بين الله وكبر للذبح
وبين تكبيرة جوامع للاذان
رد مع اقتباس
