اغرب طلاق حصل ..
واحده بتحكي عن اغرب موقف حصل معاها وبتقول
كنت ف المول ومعايا اخواتي الصغيرين وواحد عمال يعاكسني
وكل ماروح حته يروح ورايا وبدا يقول كلام مش كويس
روحت اتعصبت عليه وفضلت اشتمه بصوت عالي
لحد ما الناس ابتدت تبص علينا والامن سمع ولقيتهم جايين
فجاه لقيت الشاب ال كان بيعاكسني واقف ومرعوب
وعرقان وبيبص عليهم مره وعليا مره ..وراح رافع ايده
وضربني ع وشي وصرخ انتي طالق طالق طالق
وراح ماشي وهو بيمثل انه متعصب وعدي من جمب
الامن ومن قدام الناس كلهاوطلع برا المول.وانا واقفه
ومزهوله وعماله اعيط من وجع القلم واقول طالق!طب
طالق ازاي؟؟ وانا اقصد اني طالق ازاي وانا اول مره
اشوفك لكن اكتشفت ان الناس فاهمين اني مصدومه
ان جوزي طلقني وابتدت ستات تيجي ناحيتي وتواسيني
وتقولي حرام عليكي عصبتيه ليه بس؟؟
ويشاورو ع اخواتي الصغيرين ويقولولي طب هتروحي
فين بالعيال دي دلوقت ..؟
بعد الموقف ده كنت هموت من الضحك وهموت واعرف
جاب الفكره دي منين ابن المجنونه ده
حسبي الله ونعم الوكيل البنات تروح المول
يشوفها شاب صدفه ويحبها ويروح يخطبها
وانا اروح مول ارجع مضروبه ومطلقه لا
ومعايا عيال.كمان
رد مع اقتباس
المشاركة الأصلية كتبت بواسطة مصطفى العراب
