قصيدة عمار الكناني بعنوان اشسوت بيك الخيل مكتوبه محرم 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
✿✿✿✿✿
#الشاعرطالب حسين السماوي
#الرادود عمار الكناني
✿✿✿✿✿
اشسوت بيك الخيل...شو متغير حيل
شو متغير حيل...اشسوت بيك الخيل
جاوبني و ريّح دلالي...معقوله انت حسيني الغالي
شو متغير حيل
✿✿✿✿✿
جاوينه صدرك البلرقه انترس
جاوينه شو عالصدر حافر فرس
جاوينه ورد اللي بشفاك انغرس
جاوينه هالعطر التنثره امن النفس
بس أسمع ونات...جاوين الجلمات
جاوين الجلمات...بس أسمع ونات
مو من طبعك ونك عالي...معقوله انت حسيني الغالي
شو متغير حيل
✿✿✿✿✿
معقوله الجان بالممشه ترف
معقوله عاف المشي و يزحف زحف
معقوله وجهك ذبل من النزف
معقوله من الضمه لسانك يجف
متيبسات اشفاك...وين المبسم ذاك
وين المبسم ذاك...متيبسات اشفاك
تسأل عالماي أول تالي...معقوله انت حسيني الغالي
شو متغير حيل
✿✿✿✿✿
حاجيني اشقد جسمك أحجار انشمر
حاجيني شو مندفن من الحجر
حاجيني بقلبك رمح عندك خبر
حاجيني اشلون و طلع من الظهر
خاف اسحب بهداي...و انت اتصيح اجلاي
و انت اتصيح اجلاي...خاف اسحب بهداي
ما متعوده اتلوج إقبالي...معقوله انت حسيني الغالي
شو متغير حيل
✿✿✿✿✿
محتاره أقعد أضمد لك ضلع
محتاره لو أمشي أدور عن صبع
محتاره يا كتر منك ينرفع
محتاره قابلتك ابونه و دمع
صبعك ما موجود...و بصفك عامود
و بصفك عامود...صبعك ما موجود
بس الهالخصمك خلاني...معقوله انت حسيني الغالي
شو متغير حيل
✿✿✿✿✿
يحسيني آنا العزيزه آنا الأخت
يحسيني شو تزحف اعليمن خفت
يحسيني صوب المخيم تلتفت
يحسيني حجيك همس مدري اشقلت
تزحف وين اتريد...خويه الخيمه ابعيد
خويه الخيمه ابعيد...تزحف وين اتريد
هالمنظر ما جان اببالي...معقوله انت حسيني الغالي
✿✿✿✿✿
منقول
رد مع اقتباس
