قصيدة الحاج باسم الكربلائي بعنوان اخر وصيه ليله 8 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
انتاج قناة حسينية داوود العاشور
كلمات الشاعر كرار الخفاجي
✿✿✿✿✿
بين الزفاف وموتي ناديت يمه ذكريني
اخر وصيه وبيها وصيت يمه ذكريني
✿✿✿✿✿
طبع الموت مايتعامل بصدفه
ميميز الناس الفقره والترفه
عليه مكتوبه اموت وشمعتي تطفه
فاتحتي تصير بليلة الزفه
بعت العمر لحسين واشريت دنيتي وديني
اخر وصيه وبيها وصيت يمه ذكريني
✿✿✿✿✿
وصيتي الحسن هاي بالي يايمه
كال ابن الاخو يلزم ظهر عمه
اريد ادخل الحومه واضابي القسمة
وابيض وجه ابوية كبال ابو اليمه
جريت وسيفي واستعديت موتي يرضيني
اخر وصيه وبيها وصيت يمه ذكريني
✿✿✿✿✿
يايمه شمالج تعجنين بالحنه
بعد ساعة وتزفني الزهره بالجنه
لا تبجين وافرحي مو وكت ونه
اليموت ويا الحسين شبعد يتمنى
غير الشهادة ماتمنيت وانتي تدريني
اخر وصيه وبيها وصيت يمه ذكريني
✿✿✿✿✿
صينية شمع حنه ورود الياس
ما اختارهن اختار رفعة راس
اريد السيف من دمه هالناس
واراويهم شخرجت تربية عباس
وكفت العاشك للحرب جيت كلبي بيميني
اخر وصيه وبيها وصيت يمه ذكريني
✿✿✿✿✿
يمه عليج تصعب ساعة الفركه
زحمه بلا ولد ام الولد تبقى
اشبكج شبكة الماكو بعد ملكه
يمه شبكة الام احلى كل شبكة
من يتقبلها ياريت لا تودعيني
اخر وصيه وبيها وصيت يمه ذكريني
✿✿✿✿✿
يمه ابن النفيلي الازدي متحزم
يسأل يمتى جاسم للحرب يهجم
يطبرني على راسي نصلب الملجم
ويركض للحسين وكلبه متألم
يحملني ويرد الدنيا قبل جبيني
اخر وصيه وبيها وصيت يمه ذكريني
✿✿✿✿✿
منقول
رد مع اقتباس
