قصيدة الحاج باسم الكربلائي بعنوان وعد مذبوح ليله 8 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
انتاج قناة حسينية داوود العاشور
كلمات الشاعر ايهاب المالكي
✿✿✿✿✿
خلده حتفه قصته زفه بيها وعد مذبوح
حنته دمه فرحته عزمه افتده عمه بروح
خلده تضوي دموع السمه تبجي شموع
✿✿✿✿✿
عمره لو رد يمي حسبه الليالي مانعده
لازم نحس لف طريقه شكد نزل دمعة على خده
تيتم بعمر الطفولة حرمته من الاحلام جعده
ماشفه جرحه ومالكه فرحة خمسة عليها غيوم
عصمته حسرته ميزته صبره ابتدته عمره هموم
صوته جرح مسموع والسمه تبجي شموع
✿✿✿✿✿
لو حجينا عن شبابه كلشي ماوصفنا منه
الورد يذبل على عينه والملامح وجهة جنة
الشمس يخفي ضواها يخجل من يلاكي حسنه
نوره علامه وخلقة امامه عطره هوى الاسلام
ثكله ثباته صوته صلاته راية فقه احكام
خلقة حسن مجموع والسمه تبجي شموع
✿✿✿✿✿
عالم بدينه ويعرفه مو غريبه جده طه
من المنيه على المشامخ واكف بدمه يتباهة
دنك يشد تسعه نعله يدري بي فد كراهة
ميزه عمره غيرته شكره منك نزال البيت
صوده صموده شانه خلوه باسمه علم شديت
دربه صبر مزروع والسمه تبجي شموع
✿✿✿✿✿
من نزل بالطف مقاتل سيف ريشه بيها يرسم
مثل ابوه ضربة يمينه من ضرب بيها ابن ملجم
بالحسن من يعفي يحلف وبهجومة بعمه يقسم
موته نشيده لو رفع ايده سيفه تطيح اركاب
العدو كثرو صيحة زأرو يمه عددهم ذاب
بيرغه ضل مرفوع والسمه تبجي شموع
✿✿✿✿✿
وادع حسين بدمعته كله استشهد امامك
للحسن راح امشي هسه حتى اوصلك سلامك
راح اكله من عفتني عمي خليته بمقامك
انت حياتي وانت مماتي كلشي سواك يهون
رايتي كبك وعاصفة حبك سوى هواك جنون
فقده صليل ضلوع والسمه تبجي شموع
✿✿✿✿✿
امه عاشت وي صبرها من رحل ضلت وحيده
تلمس حاضرله حنه وبحزنها تكوريده
تنظر الزفت ضناها ذاك على النجمة البعيده
تبجي دمعها وتطفي شمعها تنتظر الغياب
تنحني شفعة وتعتني لهفه منها وتدفع الباب
عدها كلب مفجوع والسمه تبجي شموع
✿✿✿✿✿
منقول
رد مع اقتباس
