قصيدة الحاج باسم الكربلائي بعنوان غزل يمشي ليله 8 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
انتاج قناة حسينية داوود العاشور
كلمات الشاعر عبد الخالق المحنه
✿✿✿✿✿
غزل يمشي حلم شمعة وتوج مره بزفافه
نبع صافي جفن غافي سحر كمره وترافه
✿✿✿✿✿
من تنثرون الورد يربك جماله
قل اعوذ تنقره بصفنة دلاله
نوره من شافه الكمر ذب استقاله
خلي يلم ضيه الكمر جاسم بداله
اذا قسته بحسن يوسف اكو غلطة بقياسي
شمس تضوي بنهار الله وبعد كمرة اماسي
دعت امه بسلامه ملك عينه ابتسامه
✿✿✿✿✿
تنظر لسوح الحرب عينه وتغازل
هالله هالله تبتسم ياابن الفطاحل
رمله ليش دموعج بهاي المفاحل
هذا مو وكت الدمع وكت الهلاهل
مثل شيبج اجه يرد صعب الليالي
اذا صار الثمن عمره يضحي وما يبالي
بطل عاشك حسامه ملك عينه ابتسامه
✿✿✿✿✿
والمثل جاسم هوى الدنيا شينفعه
والتزفيني لحرب راسج يرفعه
ادري سهم افراكه دلالج يقطعه
ومتحسبي روحته مابيها رجعه
تره حنه دمه نحره يزفونه بجنانه
لكن ثوب العرس هذا يضل يمج امانه
شبل ينضح كرامه ملك عينه ابتسامه
✿✿✿✿✿
اذا جاسم وكع ويجيبه عمه
يارمله حن ايديج بمجره دمه
اسمحي لزينب لقبله تضمه
هي تصيح عمه وانتي يمه
على وجهة دمه ينزل لجم زادت حلاته
دمع عمه على عيونه رسم لوحة حياته
فده روحه لعمامه ملك عينه ابتسامة
✿✿✿✿✿
رادت الظلمه ضوه وانطاها نوره
حتى هل شبان تستلهم شعوره
هايه الشبان المهمات الغيوره
جاسم بسوح الشرف سجل حضوره
يهتف لاجل ارضك لاجل عرضك دمائك
ترى جاسم يجي يمك يوج شمعة وفائك
يحب البيه شهامه ملك عينه ابتسامة
✿✿✿✿✿
منقول
رد مع اقتباس
