قصيدة الحاج باسم الكربلائي بعنوان عقلي بجنون ليله 5 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
انتاج قناة حسينية داوود العاشور
كلمات الشاعر ناظم الحاشي
✿✿✿✿✿
عقلي بجنون يهوى المنون
ماعندي غير اثنين رب العرش وحسين
مابرد دمي على ثاري لو الف مره انقتل
اني مثل النار طبعي منين مااريد اشتعل
من اكولن ياحسين كل صعب يصبح سهل
لان مجنون بمحبته هل سبب صاح بعقل
يول كتاب متضل صعاب
من ادعي بالاسمين رب العرش وحسين
من وصلت الكوفه كلها تعنت وتدور رضاي
من دخلت المسجد انه وتوضت وصلت وراي
انطوني دمهم بالبداية وتالي ماينطوني ماي
من اجه ابن زياد كامو كلها طعتني بكفاي
اول شهيد يرفض يزيد
وموالي هل نورين رب العرش وحسين
والله من هديت بيهم ما بقى الفارس اثر
ما شفت واجهني واحد كلها دارت للظهر
اي وحق كسر السجيه الجيش يم سيفي انكسر
مثل يوم الحشر صارو بشر مايعرف بشر
منها اشتفيت بيها ارتويت
ماخالفت امرين رب العرش وحسين
زلزلتها الكاع بيهم جن علي بساحة قتال
هذا مو مسلم يقاتل هذا حيدر لا محال
شلون اطيحن واني عمي سيفه ماخاسر نزال
سيف علم راس مرحب يرضى خل رب الجلال
هذا القرار من ذولفقار
سيفي وحمل سيفين رب العرش وحسين
بالاسر من خبروني وسيفهم فوك الوريد
تترك حسين وتبايع زمرة اجلاف العبيد
كلت لا ياروحي صبري الينذبح صابر شهيد
والله مثل الذبح راسي ولا امد ايد اليزيد
هذا الولاء للانبياء
وين الكه منهم وين رب العرش وحسين
كلت لو قدمت روحي يخف على حسين الالم
حتى لا تنهان حره وما تشب نار الخيم
وماتطيح على الشريعه جفوف شيال العلم
حتى لا اشوف الرضيع نحره مذبوح بسهم
بالطف غريب والخد تريب
لو نظرو الخدين رب العرش وحسين
ماردت لحسين بالطف راسه مرفوع برمح
لاتدوس الخيل صدره بيه تسعمية جرح
لاردت رمله اسيره ولا القاسم ينذبح
لا علي الاكبر صريع ليله مكسورة جنح
نار الدموع بين الضلوع
هذا الحزن لاوين رب العرش وحسين
ماردت زينب اسيره تروح بيد الناصبي
بصوت يضرب راس اخوية يشتم بجدها النبي
هاي اخت عباس هاي ولبوة الحر الابي
كون حاضر يمها حيدر زينب بيوم السبي
والله اليفوت لازم يموت
تحرسها هل عينين رب العرش وحسين
✿✿✿✿✿
منقول
رد مع اقتباس
