قصيدة الحاج باسم الكربلائي بعنوان اكتب عذابي ليله 3 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
كلمات القصيدة الشاعر ميرزا عادل اشكناني
اكتب عذابي انتحابي اغترابي
ريح الصبا لمن يهب ياخذ كتابي
بعينك لو تراني انا ميته بسيف بعدك
حيرني زماني جسمي عندي روحي عندك
بسم الله بس الاه من بعد التحية بالغ دلالي
بارض الشوك واكتب فوك الى حضرة جناب والد الغالي
اشكي الحال بالمرسال ضل يفطر عتب دموع مرسالي
علت تزيد وانت بعيد ونار المفارك ذاب دلالي
شبه الي مشي عليه بفركتك طاب
لا من الاحياء انحسب ولا من الاموات
بويه وحن علية عليك امشي الهادي جدك
رحت وتدري بيه جسمي عندي وروحي عندك
عتبي عليك منك ليك يمن بالهيمه عايفلك غصن ريحان
على المكتوب رد مكتوب وي ريح الصبح لو وي نسيم البان
اصل الجراح على الي راح خمس كلمات تشرح حالي بالهجران
دهري خان موتي هان حزني بان عظمي لان يومي حان
بعيوني بحر من الدمع وبكلبي نيران
يا بوية مثلي هم شفت محترك غركان
ياريتك شفتني حتى تدري شلوني بعدك
بالمنزل عفتني جسمي عندي روحي عندك
يا قران بالاضعان شايل على الهوادج اية التطهير
يمتى تعود اليه ردود ليلي تطويل عكبك واني جفني كصير
كلبي صاح ما مرتاح طمني عليكم ليش هل تأخير
من تسألون صحتي شلون انا بخير ما دامك يا ابوية بخير
طارش لمن يوصلكم وتاخذ كتابه
سلم على العباس عني بالنيابه
كله يا ابو فاضل يمتى احط راسي على زندك
عكبك دمعي هامل جسمي عندي وروحي عندك
اكضي الليل بالياويل رافقت الكمر ومسامرن النجمات
بموت النور ظلمة تدور بقى براسك وبكلشي عكبك مات
عفت النوم وانحى بدوم شبه طير العويدي من يجر ونات
تريد شهود عندي وزود صفرة لون وجهي دمعي والاهات
كتلي اذا امري استقر يكطع نحيبج
كتلي اوديلج علي الاكبر يجيبلج
يالطول رحيله واعدتي وينه وعدك
تدريني عليله جسمي عندي وروحي عندك
كلبي ارتاب ردت جواب عن موقف جرت تفسيره ما اعلم
براية شكور وبعاشور ليش ام سلمه عليها الجزع خيم
برهبة خوف لهنة تشوف قارورة البيها تراب صارت دم
صيح بصوت مات الخوت ما ظن يا عليلة والدج يسلم
شافت رسول الله بحلم ومفرع الراس
واكف يشوف حسينه تحت الخيل ينداس
ناديه بنحيبه جيتك احفر يا ابني الحكك
واني بهل مصيبه جسمي عندي وروحي عندك
لا احتار كلي شصار اصدك بالامل لو اصدك الرؤيه
من بلواي تاه الراي ما ادري ترد لو ما ترد ليه
بويه حسين راسك وين صدك فوك الرمح والشيبه مدميه
لو مكتول يعني نكول زينب على الهزل ودوها مسبيه
لو عمتي راحت بالسبي ومعصمها مجتوف
معناها كافل هم وكع مقطوع الجفوف
جن صوت العقيلة يالكمر وفيته عهدك
وانا على الهزيله جسمي عندي روحي عندك
✿✿✿✿✿
منقول