هنا

[الملاذ الاخير]

قصيدة الحاج باسم الكربلائي بعنوان اختصرته بنحر ليله 2 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .

اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ

انتاج قناة باسم الكربلائي

كلمات الشاعر عبدالخالق المحنه

رسمو طريقك دهر وانت اختصرته بنحر
لو ما يصيبك ضمه ما يدري تحتك نهر

لو ما ضميرك نبي ما ينكسر خاطرك
ضل يطمع برحمتك حتى القطع خنصرك
حقه النهر يرتبك يحلم تجيب كوثرك
شافك بحر منحني من كبرك تعذرك
لو ما تصد للخيم ما ضل ظن يصيبك سهم
لو ما يطيح الحمه ما ينكسرلك ظهر

عودك يبس ونجوه بس انا اشوفك ترف
شفنا فحول وكع بس وكعدتك تختلف
تسمع وسادة رمل بيهم ولا معترف
نومة اسد نومتك بصيد الزلم محترف
من الشمس سومرت لكن ولا تغيرت
صار على وجهك دمه يعني خسوف الكمر

حب الله رايد ثمن وانت بمحبته طمع
لو ما اشتياقك اله لا والله ما تنصرع
مفروض ارشلك ورد لا ما ارشلك دمع
راسك يرفعه الرمح حتى تضل مرتفع
لو ما علي برحمتك محد حرك خيمتك
لو ما ابن فاطمة منك ضلع منكسر

مره اشوفك سهل مره لغز طلسم
حاولت ارسمك حزن لأنك فرح تنرسم
مرات ارسمك حلم من تنذبح تبتسم
لو ما حفظت الشرف ضل الشرف بس اسم
صدرك اشوفه ستر عن الشرف والخدر
لو ما ابو الموزمه ما تحكم على القدر

يالغيرت ملبسك لا ينسلب وانسلب
ما تدري يا ابو علي كل شي تلبسه ذهب
مدري شيكول النبي المن يوجه العتب
من شافك بهل وضع مثل العليل انتحب
كون الله ضل يرتعش صار اللطم بالعرش
لو ما اكو مرحمة قامت واين المفر

ادري يأذي الهوى لمن يطب بالجرح
وانت بجروحك غفى سمي ورمال وملح
اختك تمضدك اجت وانت شبه منذبح
مو صعبة تسحب سهم بس صعبة تسحب رمح
كلت الهيا مهدتي لا تنضري لذبحتي
ردي الخيم مظلمه يمكن رقية بخطر

لو ما الاهك يحب ما يفرض محبتك
من هذا باني وبني تتنافس لخدمتك
والقادم اصبح ملك بيه محمل هيبتك
احضرنه يوم الحشر يا ابو الوفه مروتك
احشرنا موكب خدم خلي نفتخر على الامم
خلي تنظر اهل السمه المن يصير الفخر

لو نفترض قررت ما توصل لكربله
ذاك انت منتهن من رفعو المنزله
بس كلي من يستحق خادم اصيرن اله
منهو الاجي لحضرته من اوكع بمعضله
جفي عسى نكسر لو ما لطم على الصدر
حبك حسن خاتمة والدنيا لحظة سفر


✿✿✿✿✿
منقول

[★ نـجـمــــة شـتـــــاء ★]

احسنت النشر
تعبت وانا اكتب بوركت ما بوركت خل نغير