قصيدة الحاج باسم الكربلائي بعنوان راية الشعائر ليله 2 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
كلمات الشاعر علاء عبدالحسين الكربلائي
انتاج قناة حسينية داوود العاشور
رايه حمره تبدلت برايه سوده مرتلت
واه حسيناه واه حسيناه
حسين عاشورك اجه جايبله عبره
يعني لا شك حاضره امك الزهره
تعاين لكبرك اجت بخدها سطره
براية سوده تبدلت راية الحمره
رشت دموع الصبر ماي ورد فوك الكبر
واه حسيناه واه حسيناه
بالسماوات الوحي ناشر ردائك
الله رافع على العرش راية عزائك
لبست ثياب المئاتم كربلائك
ضامي كلبك وارتون موت بدمائك
تنحى بعيون السمه اليوم صاحت فاطمه
واه حسيناه واه حسيناه
راية سوده وعلى الصحن صعدت ترفرف
من نظرناها ترف ذكرنه موقف
جفوف طاحت على الشريعه وهامه تنزف
طفلة من كثر العطش بالخيمة ترجف
نسمع اليوم الكمر يبجي ناده من النحر
واه حسيناه واه حسيناه
بيك عاشورك تباهة وسر خلوده
والكرة الارضية رفعت راية سوده
تبجي على العباس وتقبل زنوده
مثل عبدالله بسهم مذبوح جوده
من صحت يا ابا الفضل صاحت اوداج الطفل
واه حسيناه واه حسيناه
نحجي وي عاشورك كل مدمع تهامه
كل سنة وكل عام توكف بالسلامة
نلطم ونطلع نشق نطبر الهامه
الله لا يحرمنا من هاي الخدامه
اي وحق حرق الخيم تبقى صرخات الخدم
واه حسيناه واه حسيناه
بكل كلب يا حسين الك كبه ومناير
راية سوده ارتفعت بكل الضماير
اية نزلت بالشعائر مو مشاعر
يعني حتى الله يحب هاي الشعاير
بإسمك يصيح النبض صاحت وياه الارض
واه حسيناه واه حسيناه
يا من للحزن والنوح منهل
ما لوم عليك الدمع من هل
شهر ذبحك هلاله بيوم من هل
مصايب كربلا هالت علية
✿✿✿✿✿
منقول
رد مع اقتباس