هنا

[الملاذ الاخير]

قصيدة الحاج باسم الكربلائي بعنوان بحر جرفه من إصدار بنات النبي مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .

اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ

قصيدة بحر جرفه

بحر جرفه بلا نوارس يم ضريحه عيون حارس
لا جون ولا عابس ليش حزنه بلا مجالس
بحسن نور القدس عنده خصته الايه الكريمه
ذكرتك توراة كلها ما بعث رب الكليمه
اسمه شبر على السفينه كوثر الجنه الرحيمه
شجرة النور الالهي طور سينا العظيمه
قبس نوره من جلاله من محمد كل خصاله
علي الشاهد على الكماله فارس ومن ظهر فارس

مائدة النزلت المريم الك تنزل لو دعيته
من تدك بيبانه تعرف باب ربه باب بيته
من تعثر باسمه ادم هانت وسهلت قضيته
سر تكلم عيسى ناسه على الصليب اجل منيته
الكون كله لامره تابع لو رفع من يدعي شافع
يحيي موته بعشر اصابع هذا واقع مو هواجس

من سجوده الحسن شرف تربة الكعبة الشريفة
والعمامه فوك راسه ابهة من تاج الخليفه
نفس عنده بكل كرامه سامح النفس الضعيفه
ما ينام وغيره جايع لو عرف روحه برغيفه
ليله يسهر ما ينامه يدك بوب على اليتامه
هذا جوده من الامامه يا كريم بلا منافس

من دخل على الغار جده يطلب الدنيا سلامه
للفدائي الحسن روحه جانت بجسم الحمامه
وي محمد جان حاضر للوحي يسمع كلامه
ليل فقده الحسن اسود ليل من ليل القيامه
موته يعرف عندي راي لكن احكام الهداي
لا قصص بلا جناي جان يعلم بالدسائس

من تشوف دموع زينب على الحسن والمر عليها
تلطم ايدك فوك خدك مثل ما لطمت بيديها
حتى كسرة كلب اخوها ينازع ويبجي البتيهة
من سمعها بموت تدعي تريد كبل الطف يجيها
خوية نادت شو عفتني يالي بالطف كلفتني
للمصايب سلمتني وابجي ما بين الدوارس

الحسن صاح حسين عنده شمه قبله على نحره
هنا تدوس الخيل صدره بجه وحط ايده على صدره
هنا سهم ينصاب كلبك طفلك هنا ينطي عمره
مثل يومك ماكو يوم اسود على العطره
من نموت تحير بيه على الثرى تصلي عليه
لاجن جسمك على الوطيه يبقى عار بلا ملابس

هايه دنيا الله واكبر تنطعن ليش بظهرها
اهل بيته وكان واكف لو مشت يناس اثرها
ليش روحه الحسن بالسم جهزت بالرب سفرها
ليش فاطم كبل ابنها الموت على الحايط عصرها
ليش للطف بالمنايه ايه بالدم حظنت ايه
ليش زينب بالسبايا تنذبح روح الاشاوس




✿✿✿✿✿
منقول

[★ نـجـمــــة شـتـــــاء ★]

بوركت