هنا

[الملاذ الاخير]

قصيدة مسلم الكعبي بعنوان بدنـيتي بس انته عندي يمّه يمّه مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .

اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ



بدنـيتي بس انته عــــندي يمّه يمّه
الشاعر وسام الشويلي
الرادودمسلم الكعبي



✿✿✿✿✿
بدنـيتي بس انته عــــندي يمّه يمّه
لو رحت آنه ابقى وحدي يمّه يمّه
ياحلم عمري وترجيتك ذخر عگب عينك بعد احسب ياعمر
✿✿✿✿✿
٭٭٭
يبني تدري بحالتي وحـيـرة زماني
ولد واحد انـتـه عـنــدي وماكو ثاني
چنت احسب عـمرك احساب الثواني
عايشه الاجـــلك ولا غـيـرك اتانـي
زهرة اسنيني وسگيتك دمعه دمعه
وبحـنــاني رضّعـيـتـك دمعه دمعه
گلبي ليله اعله مودك ينعصر عگب عينك بعد احسب ياعمر

✿✿✿✿✿
چنت يبني مگالب آنه وي الليالي
عـيـنـي ذبّلها السهر والضيم حالي
عگـب ذاك التعـــب والهم الجرالي
شفتك اگبالي وچنت صوره بخيالي
من اشوفك ترد روحي يبني يبني
لو رحت تكبر اجروحي يبني يبني
تچوه ضمّيتك الأيام العسر عگب عينك بعد احسب ياعمر
✿✿✿✿✿
٭٭٭
انته گلبي ياعلي ولجروحي طبها
وبيمن اتعيش الخـــذوا منها گلبها
التتعب اتحصل على ثمرة تعبــها
يبني امّك المـن اتـوجـه عـتـبــها
راح كل تعبي التعـبته وسفه وسفه
حنظل الفرگه جرعته وسفه وسفه
صوّباني بمهجتي سهم الهجر عگب عينك بعد احسب ياعمر

✿✿✿✿✿
من اعاتب يبني ما اريدن الچمك
رحت ليـش وماخـذت ويّاك أمّـك
شمّة اموادع اريدن بــيـها اشـمّك
بلكي آخر نفس يطلع وابقى يمّك
ابچي يم راسك يـيـمه أگعد أگعد
عمري طشرته شيلمه أگعد أگعد
صبر ماظل عندي يمّه انته الصبر عگب عينك بعد احسب ياعمر
✿✿✿✿✿
٭٭٭
يمّه ليش وياك أحچي وانته سكته
آنه أمّك شـنهـو صوتي ماعـرفته
سـاد عينك ليش يـبني نايــم انـته ؟
يمّه جاوبني تره گلبـــي فـطـرته
راح اخليك اعله وضعك غافي غافي
راح اگولن من اودعــك غافي غافي
وما اگولن ميّت وضمّك گبر عگب عينك بعد احسب ياعمر
✿✿✿✿✿
٭٭٭
حالفه يمه بعد مـاطـبــــله بـيـتـك
والله ينساني اذا لحــظـه نـسيـتـك
ادري ميّت بس طلعـت ودوريتك
گلت بلكي الگاك لاچـن مالگيتك
ينزف بدم المصـيـبه جرحي جرحي
ومابعد يحصل طبيبه جرحي جرحي
گلبي مكسور وبعد ماينجبر عگب عينك بعد احسب ياعمر

✿✿✿✿✿
مال ويّاي الوكـت ردتــك تعــــدله
شلون انته تموت يبني وابقى عدله
لو يـبـدلــون الـنـفـس ويّاك ابـدلــه
بعد شحسب والعـمـر يمّه شبعـدله
وياك تدري وياك يخلص عمري عمري
بفرگتك غَـزلـه تخـلـبص عمري عمري
نبض گلبي بفرگتك مايستمر عگب عينك بعد احسب ياعمر
٭٭٭




✿✿✿✿✿
منقول

[★ نـجـمــــة شـتـــــاء ★]

بوركت

[الحسين مصباح]

شكراشكراان شاءالله في ميزان حسناتكم
ممكن قصيدةبس الكلبةيشتاك