قصيدة الحاج باسم الكربلائي بعنوان فكر انت بمقتلك ليله 7 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
كلمات الشاعر علي السقاي
✿✿✿✿✿
فكر انت بمقتلك ادري ظهرك ينكسرلي ينكسر كلبي الك
حسين ضحى بكل رجاله بس بقى واحد اخير
هذا عباس التهيأ ينتظر دوره يصير
يعدل السرج ورجابه يعني رايح للمصير
بعده ما راح عضيده يحسن ظهره كسير
دوره عباس اقترب وضع الحسين اضطرب
حجة الله كل شي يملك صبره بالكوه امتلك
✿✿✿✿✿
اثنين من ضلو وحدهم الله دز الهم سلام
والسمه اتوجه نظرها على الوداع الي بالخيام
فتح ضرعان العضيده وسكت عباس احترام
حسين شافه عينه تدمع غركت دمع وكلام
واحد لواحد بجه فاقت بالنظره حجه
تشابكو شمس وكمرها واختلف حال الفلك
✿✿✿✿✿
تشابكو جن جسد واحد والنبض واحد يدك
الجان ينطي الهوى وسفه حسين صدره مختنك
يهمس العباس باذنه جنه لازم نفترك
تباعدو جم خطوة لكن بعده ضلهم بالشبك
لحظة لان رجعو ركض بجي طاحو على الارض
لان ماكو الينسدلهم نزل من ربهم ملك
✿✿✿✿✿
كبل لا كلبي تشلعه بروحتك يا ابو الفضل
جفوفك ينطيني واحبها عليك فكري منشغل
الاخو من يطلب اخيه هل طلب ماينقبل
مو طلب امر من امامك وانت لازم تنتثل
مره احبها سالمه مره احبها بالدمه
ساعة والكاها قطيعة على النهر من اوصلك
✿✿✿✿✿
ياابن ابوية وانت امك بضعة من سيد البشر
اني عبد بين ايدينك عندي هذا اكبر فخر
جفوفي فدوه يقطعوها خلي يوذروني وذر
فكر بروحك يا اخوية انسى ذاكه على النهر
انا ما اسوى جرح على النحر من ينفتح
خلي اموت ولا اشاهد دم وريدك ينسلك
✿✿✿✿✿
عليك الله يا ابو فاضل كافي لتهيج الجروح
اليوم كد ما نحد خوية بعد مابيه انوح
بروحي لو رايد افكر اني احسك بيه روح
مقتل بهل لحظة يبدي شتعتقد لمن تروح
روحتك مو بس كسر روحتك يعني الشمر
يعني ذبحي يعني سحبي هل خبر خل ينهلك
✿✿✿✿✿
صحت يا خوية ادركني وجيت اركضلك بحركه
كبل لتوكع على الكاع مدري تصير يا شبكه
مدري شبكة مفارق مدري شبكة الملكه
من هاي انكسر ظهري شلون بلا عضيد ابقى
قلة حيلي وقلة حيله واليفقد منك يا ويله
ابوسك وين ما ادري يامن عمري فدا العمرك
جروحي بنحرك هواية كثر سهام الي بصدرك
والحل الي بقى العندي احط ثحري على ثحرك
ابوسك بوسة موادع واطبع بدمعتي لنحرك
لا سهمك يطلع من عينك وتشوف شصار يم حسينك
خوية اصبر بيك لو بيه صار الموت عني بعيد
دخلها تفرح الشمات بلايه احزام بلاي عيد
وعجيبه شلون اضل عايش وبيدي يموت العضيد
احملك على الخيم لو لا تضل على الشريعة تريد
يا مواعد بالماي سكينه خاف تكلك جودك
✿✿✿✿✿
اخو مثلك فلا بعدك وقبلاك
رضيتك بس نفس يمي وقبلاك
لون بيدي اشم نحرك وقبلاك
وانا بهل حال وتجيني المنيه
✿✿✿✿✿
والاخ وحق الضحه للمرسوم والاخ
هسه عرفت معنى الاه والاخ
فقد الابن يجوي القلب والاخ
اذا ينقتل يكسر ظهر اخيه
✿✿✿✿✿
وكفاي جرالي الما جرى لغيري يا كفاي
يا دهر من الالم بسك و كفاي
وكفاي انكسر ظهري يا ابو فاضل وكفاي
رجب والسيف يوكع من ايديه
✿✿✿✿✿
منقول
رد مع اقتباس
