قصيدة الحاج باسم الكربلائي بعنوان يعباس ليله 7 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
كلمات الشاعر عبد الخالق المحنه
✿✿✿✿✿
ياعباس ما متت ماتت الشريعة
ياعباس اختك الوديعه
ليش استحيت وتعتذر واني اضل ومنتظر
لتفكر بصوط الشمر ربة علي ما تنكسر
✿✿✿✿✿
بلايه مايدري الحرس اجيتك تراني
والله يسترني اذا يندل مكاني
ياحنين شمعني يهزم حناني
خوية بس لا تعتقد مو زينب اني
ما اكلك بعدك شسوى زماني
بس اكلك ردت اضل يمك ثواني
ما اريد تنحرج لا اريد تنزعج
ماضل واختصر ياعباس ياعباس
✿✿✿✿✿
انسى كلشي خلي نسولف انا وانت
ادري صعبه الينذبح يحجي ويا اخته
بس ياخوية بنومتك موقف ذكرته
مره نهر على الكمت بمهدك رسمته
شفتك اتأذيت وكماطك كطعدته
كتلك اهدأ خوية ون بسرعة مسحته
زعلان من رسم واليوم تبتسم
ايام تنذكر ياعباس ياعباس
✿✿✿✿✿
من كمت تمشي صرت تمشي ورايه
يعني على الفطره تكول اني حمايه
نكعد نسولف حكايه تجر حكايه
ترفض من ارسم نهر يمه ضمايه
اني ارسم خيمه محروكه وسبايه
انت ترسم فارس وشايله رايه
ذكراك مغنسى هيهات تنسى
بالروح تستعر ياعباس ياعباس
✿✿✿✿✿
انا احس عندك سؤال تكوله حسره
افتهمتك بس خفت كلبك اكسره
من رحت لحسين اشرلي على ظهره
سهم المثلث سحبته سوى حفره
واني نمت على الجرح واصرخ يازهره
الهل سبب صارت عباتي كلها حمره
ارتاح واطمان ارجوك لا تون
بلواي تستمر ياعباس ياعباس
✿✿✿✿✿
لاتناشدني على لوني ماكو لوني
ينخطف كل ساعة شكل من سلبوني
الله لا راوك من هجمو واجوني
جني مو زينب شبه ميته لكوني
بخبر موتك على النهر من خبروني
مدري شنو الصار وبيضت جفوني
واللون منخطف والحال مختلف
مشغول هل فكر ياعباس ياعباس
✿✿✿✿✿
اني مقتنعة متت مو كبالك انعى
بس على فراكك ياخي كلبي شيقنعه
يبقى بس عندي طلب ردتك تسمعه
خوية تسمحلي سهم عينك اطلعه
من عسنه بمهجتي كلبي يقطعه
خوفي عينك تنشلع لو ردت اشلعه
خليه هل وضع ما اريد ينشلع
بالعين مستقر ياعباس ياعباس
✿✿✿✿✿
يالعزيز بداعتي بس لا ائلمك
خلي احب جفك واشم صدرك واضمك
اني ادري بهاي كلماتي تهضمك
بس اريد اتوفي يمك
خلي اصبر معصبي من مجرى دمك
حتى من ارجع اقدمه صوغى لامك
وهناك نجتمع ونشيل يادمع
بدماك تفتخر ياعباس ياعباس
✿✿✿✿✿
عندي ضلت مشكله لا تكلي سهله
راسي من امشي ارفعه لو انزله
راسي من ينزل يحسبوها مذله
لو رفعته على الرمح راسك تعله
من يراويني الشمر راسك شكله
خاف اطيح وطيحتي على العله عله
معلوم مو سهل ارجاك تحتمل
ضليت احتضر ياعباس ياعباس
✿✿✿✿✿
بعد عندي مشكله يا ابو الحميه
شلون نومتنا تصير بهل مسيه
لا غطى والوادم تباوع عليه
خلي اسمعك شنو حل لهل قضيه
بالجلوس ننام بس نكعد سويه
حتى وحده لوحده مالة تجيه
ما انام ياكمر واعتاد على السهر
والنوح مستمر ياعباس ياعباس
✿✿✿✿✿
من رخصتك راح ارد كلبي جبرني
وادري خصمك صوطه بيده وينتظرني
لا يشغلك حالي حتى لو صطرني
ما الومنه سبيه يعتبرني
انا اختك ضرب متوني شيضرني
حتى لو يغمى علية لتحظرني
مشكور لا تجي للموت ارتجي
لتخاف على الستر ياعباس ياعباس
✿✿✿✿✿
منقول
رد مع اقتباس