هنا

[الملاذ الاخير]

قصيدة الحاج باسم الكربلائي mp3بعنوان انا الخليفة ليله 20 محرم مكتوبه 1438 /2017

اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .

اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ




✿✿✿✿✿

قصيدة : (زينبية مكتوبة )
الشاعر : سيد عبد الخالق المحنة



زینب بِنَت منابر حتی تظل ضمایر
ماتنمحي الشعائر زینبیه زینبیه
*****
ظعنچ سفینه مبحِره و انتي لها اشراع
درب السبي صایر بَحَر من دمع الإوداع
ما شلتي راسچ للسما خل تخسف الگاع
کثرت جراحچ و الصبر یم النهر ضاع
فِراشات العرش لیش تحت شمس الظَهَاري
غیور الباري ویشوف وضعهن بالصَحَاري
صار اللطم بدایه من مأتم السبایه
لاتجرح المشاعر زینبیه زینبیه
*****
یا زینب ابوجهچ دِمه هذا الدِمه امنین
ینزف بُقه طول الدرب ینزل علی العین
راسچ ضُربتي بالعَمَد من طاح الحسین
لو عالنهر یم الگمر من شفتي چفین
إذاً دم راسي لو سال أنا قصدي أواسي
أحِسّ و یعلم الله یا زینب بالمآسي
حتی الکلامه جارح هم أسکت و أسامح
لاتکسر الخواطر زینبیه زینبیه
*****
کون إنطفت عین الشمس من بعد الخیام
و الیمشي ویاها شِمِر ماتگدر اتنام
حتی الإبِل ظلت تِوِن من وَن الأیتام
و الحُرّه لَمّن تنسبي ماتحسب أیام
تظل تحسبها لحظات لِأن تحسب مواقف
بطیئه اللحظه بالخوف یِحِس الگلبه خایف
یا زینب الیتامه ما توصل بسلامه
و الحُرمه مِن تِصَابر زینبیه زینبیه
*****
یا زینب انتي ابیا دمع عاتبتي الأحباب
و انتي إدیچ امگیّده بعیونچ اتراب
و أعرف مُعاناتچ تره ابنظرات العتاب
خوفچ إذا هَبّ الهوه و ایحَرکِ الحجاب
نسیتي ابهل مُعانات مسافات الطویله
لذلک بالمشي نگول رجع ظعن العقیله
من نمشي یالحزینه نستقبل الظعینه
مَشّایه و المظاهر زینبیه زینبیه
******
واسینه دمعچ باللطم حتی الدِمه ایسیل
رَدّاً علی اسیاط المَتِن سَوّینه زنجیل
یتجدّد اویانه الألم جیلٍ بعد جیل
و الرکضه چانت واقعه مابیها تأویل
رکضتي لمصرع حسین علی المصرع وگفتي
رکضنا لحضرته لیش لِأن انتي رکضتي
نرکض علی ضریحه بگلوبنا الجریحه
دم دمعة النواضر زینبیه زینبیه
*****
وجهچ خطف لونه التعب لو هاي الأهوال
و اچفوفچ ایرجفن ضُعُف لو مِن الإحبال
یا زینب اتمیل الأرض لو هودجچ مَال
لو مَر خیالچ عالحَجَر یتحول إرمال
خیالچ انتي بي روح و ابوفاضل یراقب
یخطّط بالدرب چان خریطه للمواکب
ماتنتهي المآتم خادم یوصّي خادم
نَفّذنه و الأوامر زینبیه زینبیه
*****
سکتاتچ الکلهن حچي و اعتابچ إهواي
و اعیونچ الکلهن عطش بس وزّعَن ماي
بنت حیـدره فوگ الهِزِل محد حسب هاي
شفنه الأسیره تنتصر من کربلا و جاي
أسیره الواقع ایگول لچن شفتچ أمیره
یزید ابلا حُکُم صار صُفَی بیدچ مصیره
یا لبوة الهواشم نصر السبایه قادم
ثورتنا یعني باچر زینبیه زینبیه
******
رادوا یموتون الوحي یتوزع أشلاء
یعني إنقلاب اعلی السما گالوا هُبَل شاء
یا زینب انتي مُرسله في هاي الأرجاء
گولیها سِر البَسمله في نُقطه البَاء
تِخطي عالم الآه و اُعُبري ابکل قناعه
و إترکي دموعچ اتسیل لِأن دمعچ شجاعه
خل ترکع المساجد گولي الصمیده واحد
و الثوره بالمصادر زینبیه زینبیه