قصيدة الحاج باسم الكربلائي mp3بعنوان مهلا بنات النبي ليله 10 محرم مكتوبه 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
كلمات الشاعر السيد عبدالخالق المحنه
تحميل صوت mp3 من هناااا
✿✿✿✿✿
مهلا بنات النبي المن تخيطن عبي
مازال اشم الهوى ارفض حديث السبي
✿✿✿✿✿
اعرف بالعبي ما تحمل سبي خيطه الخيم عبايه
بالخيمه القصد تحمي من الجلد عن عين التصد حمايه
زينب هل عمل بي نظرة زعل بي لمحة عتب كفايه
ماعدجن امل لا ضل محتمل قررتن غدا سبايه
وسفه دمعجن يهل واني بعدني عدل
هذا بيمني اللوا ارفض حديث السبي
✿✿✿✿✿
زينب تستعد وتروح وترد تمشي وتلتف اليه
عاشت واقعة جفوف مقطعة يم شاطي النهر رميه
وتكول الصدك باجر نفترك خيمه تحترك علية
يمي تجمعن مدري شضيعن بس تباوعن ايديه
خلي نصبر وننتظر ميهمنا غير الستر
منا على باجر سوى ارفض حديث السبي
✿✿✿✿✿
تنحبها من احب منهن تنسلب منهن الينضرب متنها
ادوار تقسمت كل وحده خذت دور وهيات حزنها
ليش ام الطفل حست بالفعل باجر ينقتل ابنها
اتفقن مشه باجر بالمسه زينب حارسة اظنها
مسرح سبايه شفت واني عدل مامتت
ياربي كلبي انجوه ارفض حديث السبي
✿✿✿✿✿
صح المسألة صعبة ومذهله لا ماينحمل اساها
مشغول الفكر وعلى ام الخدر لو باجر شمر اجاها
اعرف مو شهم ظالم ينتقم صوته وبالشتم ولاها
وشلون احتمل افعال النذل لو صح على الهزل سباها
يارب على العلكمي عيوني خلي تنعمي
من صغري وانقل هوى ارفض حديث السبي
✿✿✿✿✿
هواية تحملت عاد تدخلت واني غايتي السلامه
باجر يبتدي حجي المعتدي بالله تجاهلن كلامه
من تتهاجمن حيل تلاحمن لا تتفرقن امامه
صيرن فد جسم محد يقتحم خلن بالوسط يتامه
حتما غدا ينتصر دمع الخدر على الشمر
واني على هل مستوى ارفض حديث السبي
✿✿✿✿✿
والممشى سرى ماكو مفترى متن على المتن سويه
حتى اليقتحم بيجن ينصدم مايكدر يصل رقيه
زينب حاولي خوية تحملي نظرات العدو اذيه
والممشى بحذر لا وحدة عذر هذه هي الحرم وصيه
امشن مشي منتظم واتحزمن بالعلم
حد مايموت الضوه ارفض حديث السبي
منقول للامانة
رد مع اقتباس