الشوك البيه كون يصير بعداي
ماتلكة اليحبك موت بعداي
ماينقاس بلحب دوم بعداي
اليحبني بقلبه اطشن واهليه..
للضلع
الشوك البيه كون يصير بعداي
ماتلكة اليحبك موت بعداي
ماينقاس بلحب دوم بعداي
اليحبني بقلبه اطشن واهليه..
للضلع
اجروحي بهيدة فدوة ارجوج وناي
ولا جار البقالي بسبب وناي
ما يلحك ونيني العود وناي
موسيقار من الجان بيه ....
الرد :
اذا ونك يصفن البشر ولجان
انهضملي الجاي والموجود والجان..
اعيطن بالجروح ابصوت ولجان.
تسكتن لا تطيح اعظام بيه..
كمان للضلع
انه العذبت روحي/ منيداي
وتهت ما وجد الجبله /منيدي
سوء السائني كله /منيداي
وحشه الايام تعمل سوء ليه..
اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه
الحجي بيناتنا بعدك وجع بالروح
طلع ظني غلط والحب صدك اعمه
گلت انساك بس مشكلة واليحب حيل
كلشي يكول لمن يحترك دمه
عندك ثقة بگلبي وهالبقبت تروح
واليدري بروحه غالي البعد ميهمه
هناك شاب تزوجت حبيته من غيره فانصدم صدمه شديده وبعد ايام من زواجها لم يتحمل واتصل بزوج حبيبته
فقال الزوج.. تفضل من معي
قال له الشاب
مبروك اخذت المو الك
..صارت قسمتك والبعد
ماشوف وجهي بكل كتر .
.مو انته اخذت مرايتي
هم تقبل اخذ شي الك
وتحبه حيل من الزغر
جا ليش تاخذ مالتي
داريهه احلفك بالگمر
لا تخاف من جهة الستر
اعشكه ماي تصير الك
اعرفهه بنت اولايتي
تنفذ كلامك بالحرف
جربهه قبلك ونتجه
لساني وبعد لا ماتعب
جانت تنفذ حجايتي
انطيك نقطات الضعف
لو زعلته ودم بجت
تراضيهه بسّهل مايكون
حلفهة بس بداعتي
رضعتيني القهر وضيم/يماي
وضل طول العمر عطشان/يماي
ألأحبنه قريب النزل /يماي
اگلة اگرب يگلي الخوف بية
الله منور عموالمشاركة الأصلية كتبت بواسطة علي الموسوي الموسوي
ساكت شرد اكلك هو ظل السان
عندي وبيه اسولف واعترف معجب
شفتك من بعيد وخذت كلشي وياك
انه ادري اشراح تاخذ مني من تكرب
ما مرتاب منك بس احس بخوف
وبعيونك احس كل نظرة الك مطلب
يبو عيون الصگر سابينه من مرتاح
ننطي وجوهنا لا وين من تغضب
على كيفك وياي وشوفني بيا حال
تعبني العشك ما بي بعد اتعب
يابس زرع روحي وضامة امن النار
ونارك بالزرع شيكضها من تنشب
تحيرني البرائه اشما افكر بيك
ما اعرفك صدك وياي لو تلعب
الغريبة البيك توك ما تعرف الشوك
وشلته حال كلبي البيك هي اغرب
بسهل طبيت كلبي وما كلتلك وين
يالشايل كلب للموت ما ينطب
ما احبك بعدني وكلشي بيدك صار
جا ..شيضل علي .. لو من ..صدك تنحب
مو مثل البشر لا عمي عشكك موت
موت وشلي بيه ما منه كل مهرب
انت الحلوة بيك اشكد صعب وياي
وانه الحلوة بي وياك ما اصعب
متناسبني كلي حتى اضل مرتاح
متناسبني اشوفن هذا حل انسب
ما احبك لان ما شفت هيج اوصاف
والكلك اوصفك نافق وجذب
ملعب للجمال او وحدك اللاعوب
وبحسنك صرت لاهل المثل مضرب
وعيونك بيارغ هوست عالناس
(((احنه الاسسنه الملعب واحنه النلعب بي)))
واشحدة اليطب وباك للملعب
تبين من بعيد اشما مشو وياك
حجر هم وصرت من دونهم كهرب
تسب الناس كل خطوة جدم عالكاع
من تنسب اذا لتضوج من تنسب
معقولة انت اكلك اكل هاي الناس
ونفس الماي تشرب منه من تشرب
كل لاهلك دخيلك خلهم يضموك
انت الماكو منك خاف لا تخرب
ومن يكثر المثلك خلهم يطلعوك
بلكي تضيع لمن بالشبه تنذب
لتخليني احبك بي الف فلاح
يربات المدينة ارجوك لا تكرب
طير القرية روحي يخاف الولايات
السطوح تصيح بيه لو عالمدن يجهب
طير القرية روحي وما يعرف هواي
ومن كتر البيادر من يلكط حب
زماني يطشر بربعي/والم هم
وجنت احمل مصايبهم/والم هم
لا بوهم تعب مثلي /ولا امهم
شما اتعب يجازوني بردية